José Q.

Litrato pinaagi ni Miguel Pachas

Sa dihang hapit na ko mag-10 anyos, daghan kaayo ko og pangutana mahitungod sa ebanghelyo. Dayon ang akong uyoan misulti nako nga dili lang ko magpokus sa akong mga pangutana apan magpadayon sa pagtuo, ug akong bation sa akong kaugalingon nga ang Dios mamulong nako.

Wala madugay gihangyo ko nga ipakigbahin ang mga pulong sa himno nga “Nagtuo Ako kang Kristo” sa komperensiya sa stake. Samtang gihimo nako kini, nagkurog ang akong tingog ug gibati nako ang Espiritu nga namulong pinaagi nako. Human sa komperensiya, midagan ko ug migakos sa akong magulang nga igsoong lalaki. Misugod ko sa paghilak samtang miingon siya, “O, di ba? Oo, nagtuo ka sa Dios.” Nakuha nako ang tubag pinaagi niana nga himno. Gibati nako nga ang Dios ug si Jesukristo anaa. Kinahanglan lang nakong pahinumdoman ang akong kaugalingon.

Ayaw paghunong sa pag-adto sa simbahan, bisan unsa pa ka lisod. Tinguhaa nga maduol ngadto sa Langitnong Amahan ug ni Jesukristo pinaagi sa pag-ampo ug pagtuon sa kasulatan. Kanunay nga mohupot sa ebanghelyo ug dili gayod malimot kon asa kamo gikan.