Usa ka Espirituwal nga Taming

Duha ka tawo sa akong klasrom sa eskwelahan nagsugod sa panaglalis. Sila namalikas sa usag usa makadaghan. Wala ko makagusto niini, apan ang magtutudlo wala diha sa duol ug dili ko makabiya sa klasrom, mao nga giduko nako ang akong ulo ug nag-ampo. Gihangyo nako ang Ginoo sa pagtabang nako nga ibaliwala lang sila ug kalimtan ang ilang mga pulong.

Pagkahuman nako sa pag-ampo, ang tigbantay nga kawani miabot ug mipahunong sa panaglalis. Ingon ana lang, wala ko makahinumdom sa bisan unsa nga pulong nga gisulti sa mga bata. Ang Ginoo mikuha niadtong ngil-ad nga mga pulong sa akong hunahuna.

Si Satanas maningkamot nga kita magmasulub-on sa daghang paagi, apan ang Espiritu Santo sama sa usa ka taming batok kaniya. Mao nga dili ko gusto nga anaa sa bisan unsang butang nga mopalayo sa Espiritu. Kon ang Espiritu anaa uban nato, ang Ginoo dili motugot nga ang daotan modominar nato. Ang Langitnong Amahan, si Jesukristo, ug ang Espiritu Santo ania aron sa pagpanalipod nato.