Poerani S.

Ata na pueina e Stephane Sayeb

Pe a a’e le toatele o tagata i le aoga maualuga, latou te fiafia aua o lona uiga o loo latou tuputupu ae. Ae mo au, e le o le tulaga lena. O lo’u tausaga muamua i le aoga maualuga sa matuai faigata lava mo a’u aua sa ou tau le iloaina se tasi i la’u vasega ma sa masani ona tuua na o a’u. O lea la, o se tasi lea o taimi sili ona leaga o lo’u olaga.

Sa ou liliu atu i le Alii ma tatalo i po uma. Ma i le aoga, pe a ou le maua ni lagona lelei aua sa tuua na o a’u, ou te nofo i luga o se nofoa umi ma tatalo i lo’u loto o le a fesoasoani mai le Tama Faalelagi ia ou maua se lagona lelei.

O taimi uma lava ou te tatalo ai, sa ou lagonaina le alofa o le Tama ma Lona Alo, o Iesu Keriso, ma na fesoasoani moni lava lena mea ia te au. Sa tali mai foi le Tama Faalelagi ia te au e ala i le tuuina o tagata i lo’u ala. Sa ou feiloai i se uo sa fesoasoani ia te au ia maua se lagona lelei, ma sa mafai ona ou faasaolotoina au lava mai le avega sa ou tauaveina.

Ou te iloa o loo i ai isi tagata e pei o au, ma o le mea ou te fia fai atu ai ia i latou o le, sa mafai ona ou faatoilaloina. Na pau lava le mea na ou maiafa ai o le liliu atu ia Iesu Keriso ma le Tama Faalelagi. Ou te iloa afai latou te faia foi lena mea, o le a latou lagonaina uma le alofa o le Tama Faalelagi ma Lona Alo, o Iesu Keriso, mo i latou.