“E mafai faapefea ona sili ona ou faasoa atu le ‘fua’ o le talalelei i isi ina ia mafai ona latou iloa le taua ia te a’u?”

“Ola i le talalelei i se auala lea e leai ai se masalosalo e ese oe. Afai e iloa e isi tagata o loo e taumafai e ola e tusa ai ma ou talitonuga, o le a latou fia iloa. O le taimi lelei lena e faasoa atu ai lau molimau, lou alofa mo Keriso, ma lou tulaga fiafia o iai ona o le talalelei.”

Miguel A., 17, Asturias, Sepania

“O se tasi o fua o le talalelei o le olioli. Faasoa atu le olioli e te maua ia Keriso e ala i le tau ina ataata ma auauna atu i isi e pei ona faia e Iesu. Pe a fesili tagata pe na faapefea mai lau faaiuga o le vaiaso, faasoa atu ou aafiaga i le lotu e fesoasoani ai ia latou iloa le taua o Iesu Keriso ia te oe.”

Eliza S., 16, Wicklow, Aialani

“E mafai ona ou valaaulia tagata i le lotu ina ia mafai ona latou iloa le lelei mo i latou lava!”

Cal L., 11, Texas, ISA

“Ou te maua le tele o faamanuiaga e ala i le Togiola a le Faaola, lea e faatumulia ai lo’u olaga i le olioli. O le mafuta mai o le Tama Faalelagi e faamafanafanaina ai a’u ma tuuina mai ia te a’u le lototele e faasoa atu ai lena olioli. O le faasoaina atu o a’u meaalofa ma faamanuiaga i isi o le a faaali moni atu ai ia i latou le taua o le talalelei ia te a’u.”

Mariata M., 16, Tuamasaga, Samoa

“O le ola ai i le talalelei i le aiga ma i nofoaga faitele o le laasaga muamua lea i le faasoaina atu ma le mataalia! Atonu e le mananao tagata e faalogo i mea e te tautala atu ai, ae o le a latou vaai i mea e te faia, ma o se molimau mamana lena.”

Esteicy M., 19, Paraíba, Pasila

“E sili atu ona mafai ona ou faasoa atu le ‘fua’ o le talalelei i isi e ala i le avea ma se faataitaiga lelei ia i latou ma valaaulia i latou i gaoioiga.”

McLayne B., 15, Kalefonia, ISA