O Se Tausaga Fou

O Ianuari! O se tausaga fou. O se taimi o amataga fou.

Atonu o le a e faatuina se sini mo lenei tausaga fou. O nisi tagata e filifili se upu e fai ma sui o o latou faamoemoega mo le tausaga o i luma atu. O le tausaga lenei, o le a taulai atu ai le autalavou i le lalolagi atoa i le fuaiupu lava e tasi o le mau: Mose 6:34, “Savali faatasi ma a’u.” O se valaaulia lenei na tuuina atu i le perofeta o Enoka.

A o malaga atu Enoka i le laueleele, sa nofo le Agaga o le Atua i ona luga. Na fetalai atu le Alii iā te ia. Sa Ia aoaoina o ia e uiga i Lana fuafuaga o le fiafia, lea o le a aumaia ai le faamoemoega ma le uiga i le olaga. Ina ua uma ona faamatalaina e le Alii Lana fuafuaga, sa Ia tuuina atu ia Enoka se valaaulia: “Savali faatasi ma a’u.”

A o e malaga i lenei tausaga fou, atonu o le a e maua oe lava o saili mo le fiafia, faamoemoega, ma le uiga. E mafai ona e aoao mai le tala a Enoka ma valaaulia le Alii e avea ma se vaega o lau malaga i lenei tausaga.

E mafai ona e filifili e savavali faatasi ma Ia. A o e faia, o loo faatalitali mai faamanuiaga.

O le a avea ma se tausaga lelei.