Ina ua Ou Popole i Lo’u Lumanai, sa Fesoasoani Mai le Atua ia te A’u

Sa ou lagona le peiseai ua matua lofituina a’u i faigata o le lalolagi i le amataga o lo’u tausaga faaiu. I le lotolotoi o talosaga ma sikolasipi i le kolisi, sa ou tauivi moni lava ma le atuatuvale ma le soona mafaufau i faaiuga uma sa ou faia. Sa ou manao e filifili le ala sili ona atoatoa ina ia ou le toilalo ai.

Ona oo lea i se taaloga pasiketipolo a le aoga maualuga, ae oso ai lo’u atuatuvale tele. Sa ou i ai i fafo i le pogisa ma lagona e pei ua ou malemo. O le taimi sili lea ona taufaafefe i lo’u olaga. Ae na auina mai e le Tama Faalelagi se tasi e fesoasoani ia te au—o se tagata o le militeli sa malamalama i lo’u tulaga ma sa vave ona galue i le vaaia o la’u tauiviga e manava.

Mulimuli ane, sa ou saili mo se fesoasoani nai lo le faia na o a’u o mea uma. Sa ou sailia tali ma le mafanafana e ala i le suesueina o tusitusiga paia ma le auai i le seminare. Sa ou aoao ia lagona le agavaa e ulu atu i le malumalu ma maua lo’u faamanuiaga faapeteriaka e ala i le taulai atu i le ma sootaga ma le Tama Faalelagi.

Na te silafia a’u. Na te vaai mai ia te au, ma e i ai Sana fuafuaga mo a’u ma Ana fanau uma. O nisi taimi atonu o oe lea e tagi masusu i le pogisa. Ae o loo i ai le Atua iina. O oe o se atalii/afafine faapelepele o le Atua, ma o loo i ai Sana galuega paia mo oe e fai.