Anavai H.

Ata pu’e na saunia e Stéphane Sayeb

Sa tetea o’u matua, ma o se mea faamomoi loto lea na aafia ai lo’u loto laitiiti. Sa faigata ia te a’u auā ou te le’i manao e vaelua i laua, ae sa ou maua le mafanafana sa ou manaomia ia Keriso. Sa o se maea faaola faaleagaga moni lava!

I na taimi faigata, sa ou mauaina ai le mana i afioga a Keriso. O lesona na ou mauaina mai o’u matua ma taitai na fesoasoani ia te a’u e tumau ai le taula’i atu i Ana aoaoga. Na avea le talalelei ma se ’olo lea e mafai ona ou maua mai ai le malosi—malosi e manaomia e pipiimau ai i lo’u faatuatua e ui lava i afā faale’āiga.

O le asō, o loo faaauau pea ona ou maua le olioli e ala i le talalelei ma e ala i aafiaga o le malumalu. Ou te fia aoao atili lava e uiga ia Keriso. Ou te fia iloa atili o Ia ma, e sili atu i lo mea uma, ia mulimuli i Ona tulagaaao. E i ai sa’u molimau e taialaina e Keriso o tatou ala ma o le a Ia fesoasoani ia i tatou e tumau ona faatotonugalemu ia te Ia, e ui lava i tofotofoga.