Aisea e talanoa ai tusitusiga paia e uiga i le Foafoaga o le lalolagi?

O le Foafoaga, saunia e Annie Henrie Nader

O loo talanoa mai tusitusiga paia e uiga i le Foafoaga ina ia aoao ai i tatou i le faamoemoega o loo i tua atu nai lo le faagasologa na aafia ai.

Ina ua ole atu Mose i le Alii e “ta’u atu ia te [ia] e uiga i lenei lalolagi … ma le lagi foi,” na fetalai mai ai le Alii, “O la’u galuega ma lo’u mamalu lenei—ia aumaia le tino ola pea ma le ola faavavau o le tagata” (Mose 1:36, 39).

Ina ua aoao atu e le Alii ia Aperaamo e uiga i le Foafoaga, sa Ia faaali atu ia te ia le Fono i le Lagi, lea na faapotopoto ai fanau agaga a le Atua. Na vaai Aperaamo ia Iesu Keriso i le muai olaga o faamatala:

“O le a tatou o i lalō, ona o loo i ai se avanoa iina, ma o le a tatou ave mea nei, ma o le a tatou faia se lalolagi e nonofo ai i latou nei;

“Ma o le a tatou tofotofoina ai i latou, e vaai pe latou te faia mea uma o soo se mea e poloaiina ai i latou e le Alii lo latou Atua;

“… Ma o i latou o e e tausia lo latou esetete lona lua o le a faaopoopo i luga o o latou ulu le mamalu e faavavau ma faavavau lava” (Aperaamo 3:24–26).

O foafoaga tele ma mamalu a le Atua, e aofia ai lenei lalolagi, o se vaega o Lana fuafuaga e fesoasoani ia i tatou, o Ana fanau, ia maua le faaolataga ma le faaeaga.