O Tala mai le Feagaiga Tuai
O Le Pa’ū: Atamu ma Eva
Mose 2–4; Kenese 2–3
O ata na tusia e Katy Dockrill
O La Latou Tala
O le Faatoaga
Sa nonofo Atamu ma Eva i le Faatoaga o Etena—o se togalaau matagofie lea o le a laua le oo ai i se tiga, faigata, oti, po o le olioli. E mafai foi ona la’ua olioli i le afioaga o le Atua.
O Le Faaosoosoga
Na poloaiina i laua e le Tama Faalelagi ia fanafanau ma aua nei aai i le fua mai “le laau e iloa ai le lelei ma le leaga.” Na faaosoosoina e Satani ia Atamu ma Eva e aai i le fua o le laau.
O Le Filifiliga
Sa filifili Atamu ma Eva e ai le fua o le laau. E tatau ona la’ua tuua le faatoaga ma le afioaga o le Atua, feagai ma faigata, ma iu ai ina oti. Ae o le a mafai foi ona la’ua maua le olioli, tausia le poloaiga a le Atua ia maua ni fanau, ma alualu i luma agai i le ola e faavavau.
O Le Fuafuaga
I le taimi muamua, sa faalafi e Atamu ma Eva i laua lava. Ae o le aoao e uiga i le fuafuaga a le Tama Faalelagi, sa la’ua iloa ai o la la’ua filifiliga na mafai ai e fanau a le Tama Faalelagi ona o mai i le lalolagi. Sa la’ua aoaoina o le a auina mai e le Tama Faalelagi Iesu Keriso e laveai i la’ua (ma i tatou) mai a tatou agasala ma le oti.
O Lau Tala
E pei o Atamu ma Eva, o loo e ola i se lalolagi o faigata ma faaosoosoga, ma o nisi taimi atonu e te lagona ai e pei o e lafilafi pe lagona le fefe. Ae ona o Iesu Keriso, e mafai ai ona e salamo ma suia. O le a i ai se aso o le a e toetu ai ma mafai ona toe foi atu e mau faatasi ma Ia.