Faaaloalo i Lo’u Tino

Ata na tusia e Katelyn Budge

Ou te alu i se aoga lea e toatele teineiti e matele lava ina laei i ofu le talafeagai, inu kofe, ma faia filifiliga e le ogatusa ma o’u tulaga faatauaina.

O le taiala o le Mo Le Malosi o le Autalavou ua fesoasoani ou te tumau faamaoni ai i poloaiga ma o’u talitonuga. Mo se faataitaiga, ou te mulimuli i le Upu o le Poto, a valaaulia a’u e a’u uo e aumai sa’u kofe, ou te teenaina ma le faaaloalo. Pe a latou fautuaina mai ni ituaiga o lavalava faapitoa, ou te filifilia ni ofu ou te lagona ai le toalelei ma le tauagafau. Ou te talitonu e taua le tauagafau aua o o tatou tino o malumalu. Pe a ou filifili e laei talafeagai, ou te faaalia lo’u faaaloalo mo lo’u tino ma lo’u lotofaafetai i le Atua.

Ou te taumafai e faaaoga aoaoga o le talalelei i lo’u olaga i aso taitasi, ma pe a ou feagai ma luitau, ou te liliu atu i le suesueina o tusitusiga paia mo le taitaiga ma faaaliga. Ou te iloa e alolofa le Tama Faalelagi ma Iesu Keriso ia i tatou. O le a taialaina ma puipuia i tatou e le Tama Faalelagi i taimi uma a o tatou saili atu ia te Ia. E oo lava i auala laiti, Na te faamanuiaina i tatou i aso uma.