Aoaoina ina ua Maliu Lo’u Tinamatua

Ata na tusia e Katelyn Budge

O le maliu o lo’u tinamatua sa o se luitau mo a’u. Sa matuai vavalalata la ma’ua mafutaga. Sa ou lagonaina le faanoanoa tele. Sa ou lagona le pei o le faamoemoe sa ou manaomia ua mou atu.

A o lei maliu o ia, sa ou le malosi tele i le talalelei a Iesu Keriso. Sa ou faalagolago i molimau a isi. Ae i lena vaiaso muamua o le faavauvau, sa ou alu ai i se vasega faalelotu lea na aoao mai ai se faiaoga e uiga i le Togiola a Iesu Keriso ma le fuafuaga o le faaolataga a le Tama. Sa ou iloaina o le a mafai ona ou toe vaai i lo’u tinamatua. E mafai ona toe faatasia i ma’ua i le isi olaga e ala i sauniga o le malumalu.

Na faamalosia e lenei mea la’u molimau. Sa amata ona ou taulai atili atu i lo’u Faaola o Iesu Keriso ma aoao atili e uiga i Lana talalelei. O lea ua ou sailia nei tali e ala i tusitusiga paia ma le Sau, Mulimuli Mai ia te A’u. Ou te fiafia e faalogologo i lauga o konafesi, aemaise lava mai le perofeta, o Peresitene Russell M. Nelson. A o ou faalogologo i lauga, faalagolago i tusitusiga paia, tatalo ma mafaufau loloto, ma ole atu mo le Agaga Paia, e mafai ona malosi ai la’u molimau.

Ua fesoasoani foi le seminare ia te au e aoao ai ma taumafai ia avea e faapei o lo tatou Faaola, o Iesu Keriso, a o ou galue i le faatuatua, vaai i mea mai se vaaiga e faavavau, ma saili le malamalama atili e ala i punaoa atofaina.

Faalagolago i le Tama Faalelagi ma Iesu Keriso Aua le faalagolago i na o lou lava malamalama ae ia i La’ua. E mafai ona La’ua fesoasoani ia i tatou ma taiala i tatou i soo se tofotofoga po o puapuaga tatou te ono feagai.