Vasega Fou, Avanoa Fou
Siitia atu i se vasega po o se korama fou? O ni nai mea nei e tulimatai atu i ai!
Ata na tusia e Cinta Fosch
O le amataga o se tausaga fou e masani ona aumaia ai ni suiga tetele—e aofia ai le faia o se suiga i se isi vasega po o se korama i le lotu! Pe o e tuua le Peraimeri, ulufale atu i le Aualofa po o le korama a toeaina, pe na o le siitia atu i le isi vasega a Tamaitai Talavou po o le korama a le Perisitua Arona, o ni mea nei se tolu e tulimatai atu i ai.
1. Tagata Fou
Atonu e foliga taufaafefe le i ai i se vasega ma tagata e matutua atu nai lo oe, ae e tele atu mea e tou te tutusa ai nai lo le mea e te ono mafaufau i ai. O outou uma o soo o Iesu Keriso o loo taumafai e mulimuli ia te Ia. O le suia o vasega o se avanoa lea e faalogo ai i malamalamaaga fou mai tagata e eseese o latou aafiaga nai lo oe—ma se avanoa e faia ai ni uo fou.
2. Gaoioiga Fou
O polokalama a Alii Talavou ma Tamaitai Talavou e malie! Atonu e i ai ni auala fou e fesootai ai ma isi talavou, e aofia ai gaoioiga ma tolauapiga a vasega ma korama. O le taimi lava e 14 ai ou tausaga, e mafai foi ona i ai ni au konafesi a le MMA , siva, ma le seminare.
I le avea ai ma se talavou matua, e mafai ona e auai i le inisitituti ma gaoioiga ua fuafuaina e lau Aualofa, korama a toeaina, po o se uarota a talavou nofofua matutua po o se nofoaga e faapotopoto ai.
3. Avanoa Fou
A o faasolo ina e matua, e tele atu ou avanoa e auauna atu ai i le Ekalesia, e pei o le faatinoina o papatisoga mo e ua maliliu, faamanuiaina o le faamanatuga, po o le faataunuuina o se valaauga (e aofia ai se tofiga faaleauaunaga). Faaaoga nei avanoa mo le tuputupu ae faaleagaga ma olioli i le auala latou te faamalosia ai lou sootaga ma le Tama Faalelagi, Iesu Keriso, ma tagata o loo e auauna atu i ai.
A o e faia le suiga i se vasega fou, ia manatua “ua tasi lava outou uma ia Keriso Iesu” (Kalatia 3:28). A o e faatotonugalemuina lou aafiaga i le lotu e siomia ai o Ia, o le a Ia fesoasoani ia te oe ia maua le olioli i soo se mea o e i ai.