Tatalo Tautoai o le Faamanatuga

Ata na tusia e Katelyn Budge

E i ai se faaletonu o le taulata e mafua ai ona ou tautoai i tulaga eseese, e aofia ai le faamanuiaina o le faamanatuga. I le taimi muamua, sa o se luitau moni lava. Sa ou mafaufau foi e le toe faamanuiaina le faamanatuga.

Ae sa amata ona ou tatalo i le Tama Faalelagi. Sa ou tatalo e le aunoa ia te Ia, ma ole atu mo Lana fesoasoani. Ou te molimau atu e faafofoga mai o Ia i a tatou tatalo. Ina ua mavae se taimi, sa amata ona faaitiitia lo’u tautoai.

Mai lea taimi i lea taimi, ou te tautoai pea, ae sa fesoasoani mai le Faaola ia te au e faatoilalo lenei luitau. E ala i Ona puapuaga i le Faatoaga o Ketesemane, ua Ia malamalama ai i o’u lagona i lenei tulaga.

Ou te feagai foi ma lenei luitau i le aoga. I le amataga, sa faigata aua sa taliē mai tagata ia te a’u. Ae sa ou lagonaina le alofa o le Faaola i lo’u olaga. Sa ia faamafanafanaina ma fesoasoani mai ia te a’u.