Ko e hā ʻa e Saione?

ʻI he folofolá, ʻe lava ke ʻuhinga ʻa e foʻi lea Saione ki he:

• “Ko e loto-maʻa” (Tokāteline mo e Ngaahi Fuakava 97:21).

• Ko e kakai ʻa e ʻEikí, pe ko e Siasí mo hono ngaahi siteikí (vakai, Tokāteline mo e Ngaahi Fuakava 82:14).

• Ko ha feituʻu pau ʻoku nofo mo fakataha ki ai ʻa e kakai ʻa e ʻEikí, hangē ko e:

  1. Ko e kolo ʻo ʻĪnoké (vakai, Mōsese 7:18).

  2. Ko e kolo ko Selusalema ʻi he kuonga muʻá (vakai, 2 Samuela 5:6–7; 1 Ngaahi Tuʻi 8:1; 2 Ngaahi Tuʻi 9:28).

  3. Ko e Selusalema Foʻou—ko ha kolo ke langa ʻi he ngaahi ʻaho kimui ní ʻi he Vahefonua Siakisoni, Mīsulí, USA (vakai, Tokateline mo e Ngaahi Fuakava 45:66–67; Ngaahi Tefito ʻo e Tuí 1:10).

Neongo ʻoku ʻikai ke fakataha mai ʻa e kāingalotu ʻo e Siasí ʻi he ʻaho ní ki ha feituʻu pē ʻe taha, ka ʻoku tau “kau ʻi ha ngāue maʻongoʻonga ke fokotuʻu ʻa Saione ko e teuteu ki he liuaki mai ʻa e ʻEikí.” Kuo akoʻi mai ʻe hotau kau takí ke fokotuʻu ʻa Saione mo fakamālohia ʻa e Siasí ʻi ha feituʻu pē ʻoku tau nofo ai. ʻOku tau fai ʻeni ʻaki ʻetau feinga ke moʻui ʻo tatau mo e moʻui ʻa e kakai “Saioné”. Hangē ko ʻení, ʻi he Mōsese 7:18 ʻoku tau ako ai:

• ʻOku nau “loto taha pē mo fakakaukau taha.”

• ʻOku nau nofo ʻi he māʻoniʻoni.

• ʻOku “ʻikai ha kakai masiva ʻiate kinautolu.”