Danic L.

Faitaaʻi ʻe Clayton Chan

ʻOku lahi ʻa e ngaahi ʻaho ʻoku ou ongoʻi ai hangē ʻoku ʻikai ke u taau feʻungá pea hangē ʻoku ou hoko ko ha taha fakatupu loto-mamahí. Ka ʻoku ou fakakaukau maʻu pē ki he finangalo ʻa e ʻOtuá kiate aú. ʻOku ou manatuʻi hoku natula faka-ʻOtuá, ʻa hoku ivi malava fakalangí, pea ʻoku hoko moʻoni ia ko ha fakaivia mo ha makatuʻunga pau kiate au.

ʻOku ou vaʻinga petiminitoni, pea ka hili ʻete vaʻinga ʻi ha feʻauhi pea foʻí, tautautefito ki ha taha ʻokú te pehē te te lava ʻo ikunaʻi, ʻokú te ongoʻi loto-foʻi ʻaupito. ʻI he ngaahi taimi ko iá ʻoku ou fakakaukau ʻoku ʻi ai ʻa e ʻOtuá ke tokoniʻi au, pea ʻoku ou maʻu ai ha mālohi ke kei hoko atu pē.

Te te lava ʻo ongoʻi ʻa e ʻofa ʻa e ʻOtuá ʻi he taimi ʻokú te tafoki ai kiate Iá. ʻOkú Ne ʻi ai maʻu pē, pea te te lava ʻo maʻu ʻa e mālohi fakalangi te Ne lava ʻo foaki maí.

Ko Sīsū Kalaisi ʻa hotau Fakamoʻuí. Naʻá Ne pekia maʻa ʻetau ngaahi angahalá. Ko e ʻofa naʻá Ne fiemaʻu ke pekia maʻatautolú—ʻoku ou tui ko ha ʻofa ia ʻoku faingataʻa ke fakamatalaʻi. ʻOku hulufau hono mahuʻingá mo e mālohí.