Pelenitoni B.

Faitāʻa Clayton Chan

Naʻe faingataʻa ke u ongoʻi ʻoku tali lelei au ʻi he akó ʻi ha taimi lōloa. ʻOku faingofua ke te ongoʻi liʻekina he ko e tokolahi taha ʻo e kakai ʻi Malēsiá, ʻoku nau kau ki ha ngaahi tui fakalotu kehe. ʻOku faingataʻa ke fakahaaʻi hoto anga totonú taʻe te te ongoʻi ʻoku fakamāuʻi kita.

Naʻá ku lotu leva ʻo kole ki he ʻOtuá, “ʻE founga fēfē ʻeku lavaʻi ʻení?” Naʻá ku kole ange ke Ne tokoni ke fakafaingofuaʻi e faingataʻá. Pea naʻe tokoni lahi ia. Naʻá ku ongoʻi moʻoni ʻEne ʻofá. ʻI he taimi ní ʻoku tali lelei au. ʻI heʻeku fehangahangai mo e ngaahi faingataʻá, ʻoku ou lava ʻo ongoʻi hono tokoniʻi au ʻe Sīsū Kalaisi mo tataki aú.

ʻOku ou lava ʻo ongoʻi ʻa e ʻomi ʻe he ʻOtuá Hono mālohí kiate au ʻi he taimi ʻoku oufoua ai e ngaahi pole fakaʻahó, kae tautautefito ki he ngaahi pole faingataʻá. ʻOku ou tui te ke lava ʻo pehē ʻoku ou fakaʻaongaʻi Hono mālohí ʻi he ʻaho kotoa pē.