Annabelle Y.

Faitā ʻa Clayton Chan

ʻOku faingataʻa ke maʻu ha taimi ke “fakakaukau fakasilesitiale,” he ʻoku ou fuʻu femoʻuekina ʻaupito. ʻOku ʻi ai ha ngaahi sivi lalahi ke u tokanga taha ki ai, pea ʻoku faingataʻa he taimi ʻe niʻihi ke fakamālohia hoku vā fetuʻutaki mo e ʻOtuá.ABS ʻE lava ke matuʻaki faingataʻa ʻaupito hono ʻai ke potupotutataú.

Neongo ʻoku faingataʻa, ka ʻoku ou tui ʻe teuteu ʻe he Tamai Hēvaní ha founga. Kuó Ne fekauʻi kitautolu ke tau haʻu kiate Ia mo tokoniʻi e niʻihi kehé lolotonga hono ako foki ha meʻa lahi ʻi he moʻuí ni. Te tau lava ʻo hangē ko Nīfaí ʻo pehē, “Te u ʻalu ʻo fai ʻa e ngaahi meʻa kuo fekau ʻe he ʻEikí” (1 Nīfai 3:7).

ʻI he taimi ʻoku ou lava ai ʻo maʻu ha feituʻu ke u tangutu hifo ʻo fakaava hake ʻa e folofolá, ʻoku ou lava ʻo fakakaukau ki ha ngaahi founga te u lava ai ʻo tokoniʻi e niʻihi kehé. Kuó u maʻu ha ngaahi ueʻi ke u ʻave ha pōpoaki ʻi he telefoní kiate kinautolu ʻoku ou ʻofa aí ke vakai pe ʻoku nau sai pē. ʻOku fakamālohia au ʻi heʻeku fanongo ki ha taha ʻokú ne pehē naʻe fakamamahi hono ʻahó ka naʻe fakaʻau ʻo lelei koeʻuhí ko e pōpoaki naʻá ku ʻoatu kiate iá. ʻOku fakamolū hoku lotó ʻi heʻeku ʻiloʻi naʻá ku lava ʻo fakafanongo ki he ngaahi ueʻi ʻa e Laumālie Māʻoniʻoní ʻo tokoniʻi kinautolu.