“Ko e Hā ʻa e Meʻa ʻOku Makehe Ai Homou Siasí?”

Naʻá ku faʻa fifili pe ko e hā ha meʻa te u lea ʻaki kapau ʻe fehuʻi mai ʻe ha taha, “Ko e hā ʻa e meʻa ʻoku makehe ai homou siasí?” Pea mālōlō fakafokifā homa foha lahi tahá, kae tuku pē hono uaifi fakaʻofoʻofá mo ha fānau ʻe toko fā. ʻI heʻemau mamahí, naʻe ʻomi ʻe he ngaahi akonaki ʻo e ongoongolelei ʻa Sīsū Kalaisi kuo fakafoki maí ha mahino mo ha fakafiemālie. ʻOku fakamamafaʻi ʻe he makasini ʻo e māhina ní ha ngaahi akonaki makehe ʻe tolu mei he ngaahi akonaki ko iá:

ʻUluakí, ʻoku akoʻi mai ʻe he fanongonongo ki he fāmilí “ʻoku fakangofuaʻi ʻe he palani fakalangi ʻo e fiefiá ʻa e feohi fakafāmilí ke tolonga atu ʻo ʻoua naʻa ngata pē ʻi he faʻitoká.” (Vakai, peesi 26.)

Uá, ʻoku fakafou ʻi he Siasi ʻo e ʻEikí ʻa ʻetau maʻu e mafai mo e mālohi ʻo e lakanga fakataulaʻeiki ʻa e ʻOtuá—ʻa e mālohi tatau naʻá ne fakatupu ʻa e ngaahi māmaní mo fakatahaʻi ʻa e ngaahi fāmilí ke taʻengatá. (Vakai, peesi 2.)

Tolú, ʻoku teuteu e kakai fuakava ʻa e Fakamoʻuí ʻi Hono Siasí ki Heʻene Hāʻele ʻAnga Ua Maí, ʻa ia ko ha ʻuhinga ia ke fiefia ai. (Vakai, peesi 18, 22.)

ʻI hoʻo ako ʻa e makasini ko ʻení, ʻoku ou lotua te ke ʻiloʻi ʻa e ngaahi moʻoni ko ʻení ʻiate koe pē pea ʻilo hoʻo ngaahi tali ki he fehuʻi, “Ko e hā ʻa e meʻa ʻoku makehe ai homou siasí?”