ʻOku ʻIkai ko e Ngataʻangá ʻa e Maté

Tā fakatātā ʻa Katelyn Budge

Naʻe tokoto falemahaki ʻeku faʻeé koeʻuhí ko ha pā kālava. Naʻe fakaʻohovale ia kiate kimautolu, peá u fifili ai pe ko e hā ʻa e ʻuhinga naʻe tuku ai ʻe he ʻOtuá ke hoko ʻení.

Neongo ʻemau loto-hohaʻá, ka naʻe ʻikai mole ai ʻemau tuí. Naʻa mau ʻiloʻi te ne fakaakeake mei ai. Naʻá ne sai ka ʻi he hili ha ngaahi māhina siʻi mei ai naʻá ne toe pā kālava pē. Naʻe ʻikai ke ne lava ʻo lue pe lea pea naʻe faingataʻa ʻene kaí. Naʻe hokohoko atu ʻemau lotua ha tokoni mei he ʻOtuá.

Naʻe fāinga ʻeku faʻeé ʻi he tūkunga ko ʻení ʻo aʻu ki heʻene mālōloó. ʻOku ou ʻiloʻi naʻe malava pē ʻe he ʻOtuá ke fakamoʻui ia, ka ko Hono finangaló ke foki ange ʻeku faʻeé kiate Ia. ʻOku ou ʻilo kapau te u moʻui ʻo fakatatau mo e ngaahi fekau ʻa e ʻEikí, te u lava ʻo toe fakataha mo [ʻeku faʻeé] mo hoku fāmilí. ʻOku ou ʻilo te tau toetuʻu tuʻunga ʻi he Fakalelei ʻa hotau Fakamoʻuí. ʻOku ʻikai ko hotau ngataʻangá ʻa e maté.