Fiemālie ʻi he Konifelenisí

Tā fakatātā ʻa Katelyn Budge

Naʻe kole mai ke u lea ʻi ha konifelenisi fakasiteiki. Ka naʻá ku fakakaukau he ʻikai ke u maʻu ha taimi feʻunga ke teuteu ai koeʻuhí he naʻe ʻi ai haʻaku ʻū ngāue fakaako naʻe hanganaki mai.

Lolotonga ʻeku kei fakakaukauʻi pe te u leá, naʻe fai ha konifelenisi lahi. Naʻe akoʻi ʻe ʻEletā Kali B. Kuki, “ʻI hono fakaʻaongaʻi ʻa e tui ki hotau Fakamoʻui ko Sīsū Kalaisí, ʻe tokoni [ia] ke tau ikunaʻi ʻa e loto-foʻí ʻo tatau ai pē pe ko e hā ʻa e ngaahi faingataʻa ʻoku tau fehangahangai mo iá.”

Naʻá ku manatuʻi ʻa e founga naʻe tokoniʻi ai au ʻe he ʻEikí ke fakahoko hoku ngaahi fatongia ʻi he kuohilí. ʻI he taimi naʻá ku fakafehokotaki ai ʻeku aʻusia fakatāutahá mo e fakamoʻoni ʻa ʻEletā Kukí, naʻe mahino kiate au ʻe fakamālohia au ke u fakahoko taʻeilifia ʻeku leá ʻi he konifelenisi fakasiteikí.

ʻOku ou fakamoʻoni ko e taimi ʻoku ou ongoʻi tailiili pe manavasiʻi aí, ʻe fakaivia au ʻe Kalaisi ʻo fakafou ʻi he ngaahi lea ʻa e kau palōfitá mo e kau taki kehe ʻo e Siasí, ko e folofolá, pea mo e kakai ʻoku mau feohí.