Pagbati sa Gugma sa Dios

Sa dihang ako pa ang presidente sa klase sa Young Women, lima lang kami ka babaye sa pagsugod diha sa klase. Apan unya usa ka bag-ong babaye ang mibalhin, ug kami gustong motabang kaniya nga mobati nga gihangop ug nalakip.

Ako nagsugod nga wala pa kaayo makaila kaniya, apan naningkamot ko nga magbinuotan og maayo ngadto niya. Sa kadugayan, ang “pagbinuotan og maayo” nahimong ang normal nga kamaayo samtang siya nahimo nakong higala. Nagsugod ko nga nakasabot kon giunsa paghigugma sa Dios ang Iyang mga anak. Ako nakabati niana nga gugma alang sa mga batang babaye sa akong klase. Ang pagserbisyo sa uban nagtabang nako nga mabati ang tiunay nga gugma ngadto kanila.

Ako nasayod nga kita makasalig diha ni Jesukristo pinaagi sa bisan unsang butang. Sa higayon nga magkalisod ko ug sa higayon nga malingaw ra ko, kon bation nako nga ang akong kinabuhi nindot kaayo, o kon ako mobati nga kini ang sukwahi kaayo, Siya sa kanunay anaa.