Andam na nga Malingaw?

Kumusta, maayo nga mga higala sa tibuok kalibotan!

Ganahan ko niini nga magasin. Niadtong kaedad pa ko ninyo ug nagpuyo sa Argentina, ang Liahona lamang ang naabot sa among nasod. Swerte lang, naglakip kini og pipila ka artikulo alang sa kabatan-onan. Kasagaran mobasa ko niini sa dili pa matulog. Ganahan ko sa mga artikulo tungod kay kini naghatag kanako og paglaom, ug gibati nako ang Espiritu nga nagpamatuod sa mga kamatuoran sa Dios.

Karong mga panahona, kini nga magasin nag-abot sa hapit matag nasod sa kalibotan! Bisan og wala na ko magbasa niini sa dili pa matulog, nagpadayon ko sa pagbasa ug pagkat-on gikan niini matag bulan.

Naghisgot sa pagkat-on, nakapahingangha nako nga bisan og kita nakakuha og mas daghang kahibalo karon pinaagi sa bag-ong teknolohiya kay sa panahon sa atong mga apohan, ang Dios nagpadayon sa pagtudlo sa Iyang kamatuoran sa samang paagi! Unsa kana nga paagi? Basaha kon unsa ang gitudlo ni Elder Quentin L. Cook diha sa “Ang Inyong Pagpangita sa Kamatuoran” (pahina 2)!

Ug segurado ko nga nakahibalo mo unsa ang kaalam, apan unsa man ang mahitungod sa emosyonal nga kaalam? Susiha sa “Ang Imong Toolkit sa Emosyonal nga Kaalam” (pahina 6) aron mahibaloan!

Andam na ba aron malingaw, makat-on, ug mobati sa Espiritu? Nan padayon sa pagbasa!