5 ka Kamatuoran ug 5 ka Sugyot alang sa Mas Makahuloganon nga Pag-ampo
Nakahibalo ko nga ang Dios tinuod, apan usahay maghunahuna ko kon Siya nakadungog ba nako.
Paghulagway pinaagi ni Jarom Vogel
Samtang nagdako, gitudloan ko nga ako makaistorya sa Dios pinaagi sa pag-ampo, apan adunay mga higayon nga wala nako gibati nga maayo kaayo ko sa pag-ampo. Naglisod ko nga makig-istorya Niya ug maminaw Niya. Samtang nagdako ko, akong nadiskobrehan ang lima ka kamatuoran ug lima ka sugyot nga nakapahimo sa akong mga pag-ampo nga mahimong mas makahuloganon ug nakatabang nako nga mobati nga mas napaduol sa Dios.
Mga Kamatuoran
-
Ang Dios mao ang inyong Langitnong Amahan nga adunay lawas nga unod ug mga bukog (tan-awa sa Doktrina ug mga Pakigsaad 130:22). Siya usa ka tinuod nga tawo nga inyong gikaistorya.
-
Ang Dios motubag sa matag usa sa atong mga pag-ampo sa panahon ug paagi nga labing maayo alang nato. “Ang Dios maminaw sa matag pag-ampo nga atong ihalad ug motubag sa matag usa niini sumala sa Iyang gilatid nga dalan alang sa atong kahingpitan.”
-
Adunay daghang klase sa pag-ampo, ug ang tanan maayo. Ang pag-ampo mahimong pormal, dili pormal, puno sa pasalamat o pangamuyo, mubo o taas—isulti og kusog o hilom—ug uban pa.
-
Kamo makaampo bisan unsang orasa ug bisan asa.
-
Ang pag-ampo dili mahitungod sa pagkuha sa unsay atong gusto gikan sa Dios apan pagdiskobre (ug pagdawat) kon unsa ang Iyang gusto alang kanato.
Mga Sugyot
-
Magtipig og journal sa pag-ampo. Isulat ang inyong mga pangutana sa dili pa kamo mag-ampo, ug irekord ang mga impresyon nga inyong nadawat human (ug gani atol) sa inyong mga pag-ampo.
-
Ang pagluhod makatabang samtang ang inyong “kaswal nga pag-ampo mahimong gamhanan.”
-
Magtipig og lista sa mga tawo nga inyong iampo kada adlaw.
-
Hangyoa ang uban nga mag-ampo alang ug uban ninyo.