Sa Dihang ang mga Tawo sa Simbahan Sayop nga Mihukom Nako

Paghulagway pinaagi ni Katelyn Budge

Dihay usa ka sitwasyon diin ang pipila ka miyembro sa among ward sayop nga mihukom sa akong higala ug nako. Siya og ako kanunay nga magkuyog, nagserbisyo ug nag-apil sa daghang mga kalihokan, ug nagsugod ang tabitabi nga nag-deyt mi ug dunay gibuhat nga dili mao.

Ang mga tabitabi nangangkon usab nga ang akong pamilya bati og tinagdan sa akong higala. Bisan nahibalo mi nga dili kadto tinuod, naglagot ko kay kanunay siyang tagdon og maayo sa among panimalay. Wala ko ganahi nga moadto sa simbahan ug makakita o makig-istorya sa mga tawo nga nagpakalat sa sayop nga mga tabitabi.

Hinuon, nakahinumdom ko nga moadto ta sa simbahan tungod sa ebanghelyo ni Jesukristo, dili lang tungod sa mga tawo nga tua didto. Usahay ang mga tawo manaway sa uban bisan wala masayod kon unsa gyod ang nahitabo, ug nahibalo ko nga kining panahona molabay ug makapasaylo ko nila. Akong gipakigbahin kini nga mga hunahuna ngadto sa akong higala. Pinaagi sa pagtan-aw ngadto kang Jesukristo, makakaplag kita og kalinaw.

Si Jesukristo mao ang kaluwasan. Siya ang gugma ug kamatuoran. Siya ang tanan nga maayo. Siya ang dalan sa kaluwasan, ang dalan diin makaangkon ko og mahangtoron nga kalipay.