Pag-ski uban sa Pag-ampo

Paghulagway pinaagi ni Katelyn Budge

Nasaag ko sa usa ka biyahe aron mag-ski didto sa Sweden kauban sa akong pamilya. Nataranta ko og gamay ug naghunahuna unsa ang buhaton. Wala nako madala ang akong cellphone. Sa dihang desperado na ko alang sa tabang, gitangtang nako ang akong mga ski, miluhod, ug nag-ampo nga ang Dios makatabang nako nga matultolan ang dalan pabalik sa akong mga ginikanan.

Gibati nako nga adunay tingog sa akong ulo, nga mura og nag-ingon, “Kini mao ang dalan nga kinahanglan nimong sundon. Anaa ka sa hustong dalan.” Makapakalma kaayo kini, ug wala na kaayo ko mataranta. Gibati nako ang akong kasingkasing nga mihinay og pitik. Naghunahuna ko, “Kini tingali usa ka mensahe gikan sa langit.”

Gisul-ob nako og balik ang akong mga ski ug misugod sa pag-ski. Sa dihang nakabalik ko sa akong mga ginikanan, nakurat ko. Nakatultol ko sa dalan, pinaagi ni Jesukristo.

Kon kamo adunay lisod nga higayon, pag-ampo ngadto sa Langitnong Amahan sa ngalan ni Jesukristo. Sila motabang ninyo kon kamo motuo gayod Kanila.