Ang Dios Nahigugma Kaninyo. Unsaon Ninyo Paghigugma Kaniya?

Ang Dios nahigugma kaninyo sa hingpit ug sa kahangtoran. “Paghunahuna og usa ka lunsay, gugma nga makabuntog sa tanan nga inyong mahunahuna. Karon pilo-piloa kana nga gugma sa walay sukod nga kantidad—mao kana ang sukod sa gugma sa Dios alang kaninyo.”

Ang ubang mga tawo naghunahuna nga tungod kay ang Dios nahigugma kanila, mahimo na nilang buhaton unsay ilang gusto, nga walay mga sangpotanan. Apan kini dili mao. Ang Dios naghatag og mga sugo tungod sa gugma, alang sa inyong kaayohan. Tungod kay ang Dios nahigugma kaninyo, kinahanglan ninyong tumanon ang Iyang mga sugo. Ug kinahanglan usab ninyong tumanon ang Iyang mga sugo tungod kay kamo nahigugma Kaniya!

“Dili ba ninyo higugmaon Siya nga unang nahigugma kaninyo? Nan tumana ang Iyang mga sugo. Dili ba ninyo Siya himoon nga higala kinsa mitugyan sa Iyang kinabuhi para sa Iyang mga higala? Nan tumana ang Iyang mga sugo. Dili ba kamo magpabilin diha sa Iyang gugma ug modawat sa tanan nga mabination Niyang gitanyag kaninyo? Nan tumana ang Iyang mga sugo.”

Ang Alang sa Kalig-on sa mga Kabatan-onan nga giya mipamubo niini: “Aron kamo matabangan nga makahimo og maayo nga mga pagpili, ang Dios mihatag og mga sugo. Siya mihimo niini tungod kay Siya nahigugma kaninyo. Ug ang labing maayong rason sa pagsunod sa mga sugo sa Dios mao nga kamo nahigugma Kaniya. Ang gugma mao ang labing importante sa mga sugo sa Dios.”