ʻEnisī O.

Faitā ʻa Carolina Triana

ʻOku ʻi ai ha niʻihi ʻo hoku kāinga ofí ʻoku ʻikai ke nau mēmipa ʻi he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. Naʻa nau faʻa ʻaʻahi tuʻo lahi mai, pea fai ha ngaahi fehuʻi fekauʻaki mo e ʻū meʻa ʻoku tau fakahokó. Naʻe aʻu ʻo nau feinga ke fakafepaki mo fakafekikiʻi e meʻa ʻoku tau tui ki aí.

Naʻe faʻa faingataʻa moʻoni he taimi ʻe niʻihi he naʻe ʻikai ke u ʻilo e lea ke fakamatalaʻi ʻaki e ngaahi meʻa naʻá ku tui ki aí. Ka naʻá ku ʻiloʻi kapau te u feinga ke maʻu ha ʻilo, ʻe tokoni mai e Laumālié ke u ʻiloʻi e meʻa ke faí.

ʻOku aʻu pē ki he taimí ni ʻa e faʻa fehuʻi ʻe he kakaí e ngaahi meʻa hangē ko e, “Ko e hā e ʻuhinga ʻokú ke fai ai ʻení? Ko e hā ʻokú ke lea ʻaki ai ení?” ʻOku nau fehuʻia lahi au ʻi heʻeku talanoa fekauʻaki mo ʻeku fakamoʻoní. ʻOku ou faʻa ongoʻi ilifia he taimi ʻe niʻihi mo fakakaukau, “Ko e hā haʻanau lea mai? Ko e hā nai ʻenau fakakaukau kiate aú?” pe “Te nau fakakaukau ʻoku ou vale.”

Ka ʻoku ou ʻiloʻi ʻoku mālohi ʻeku fakamoʻoní. ʻI heʻeku vahevahe moʻoni e meʻa ʻoku ou ʻiló, te u lava ʻo laka ki muʻa. ʻI heʻeku fehangahangai mo ʻeku ngaahi ilifiá pea lea tauʻatāina ki he meʻa ʻoku ou ongoʻi mo ʻiloʻi ʻoku leleí, te u lava ʻo fakalakalaka mo toe lelei ange.

ʻOku ʻofa ʻa e Tamai Hēvaní ʻiate kitautolu. Te Ne lava ʻo tokoniʻi kitautolu ke tau vahevahe e ongoongoleleí mo ʻomi ha kakai tokolahi ange kia Sīsū Kalaisi.