Fakafehokotaki
Samuel G.
16, Pokoutā, Kolomupia
Faitā ʻa Carolina Triana
ʻOku ou vaʻinga pasiketipolo. ʻI ha ʻaho ʻe taha, naʻá ku pōpoaki ai ki he faiakó he ʻikai ke u lava ʻo vaʻinga ʻi ha faʻahinga vaʻinga he Sāpaté.
Naʻá ne tali mai, “Ko e hā hoʻo ʻuhingá? Kapau ʻokú ke fie ʻalu ʻo vaʻinga fakapalōfesinale, kuo pau ke ke fakamuʻomuʻa ʻa e sipotí.” Naʻá ku talaange kapau ʻoku ou fie ʻalu ʻo fakapalōfesinale, kuo pau ke u fakamuʻomuʻa ʻa e ʻOtuá, pea te Ne tokoniʻi au.
Naʻe pehē ʻe heʻeku faiakó, “Te u fai e meʻa kotoa ʻe lavá ke fai e ngaahi vaʻingá ʻi he ʻaho Tokonakí.” Pea ko e founga ia kuo lele mai ʻakí.
Mahalo he ʻikai hoko pehē maʻu pē. Ka ʻoku ou fiefia ʻoku ʻiloʻi ʻe heʻeku faiakó kiate aú, ʻoku ʻikai ke u fakamuʻomuʻa ʻa e sipotí—ka ʻoku muʻomuʻa ʻeku Tamai Hēvaní.
ʻI heʻeku fai e ngaahi meʻá ʻi he founga totonú, ʻoku ou ongoʻi ʻoku laukau ʻaki au ʻe he Tamai Hēvaní mo Sīsū Kalaisi. Ko ha nonga ia he ʻikai lava ʻe ha taha ʻo toʻo meiate au, ʻi heʻeku ʻiloʻi ʻoku ou feingá pea ʻokú Na ʻiloʻi ʻeku feingá.