Kumi ha Ngaahi Founga ke Ngāue Tokoni Ai

Tā fakatātā ʻa Katelyn Budge

Naʻe ʻi ai ha tangataʻeiki toulekeleka ʻi homau uōtí naʻe faingataʻaʻia ʻa ʻene sió pea ʻikai ke ne lava ʻo haʻu ki he lotú. ʻOkú ne kaungāmeʻa lelei mo ʻeku tangataʻeikí, pea naʻá ku ongoʻi naʻe ueʻi au ke tokoni kiate ia.

Naʻá ku maʻu mo ha taha ʻo hoku ngaahi kaungāmeʻá ha ngofua mei heʻeku pīsopé ke ma ʻave ʻa e sākalamēnití kiate ia ʻi he Sāpate kotoa pē. Lolotonga ʻeku fai iá, naʻá ku fakatokangaʻi naʻá ne fiemaʻu ʻi he taimi ʻe niʻihi ha taha ke haiane hono valá. Naʻá ku fakatokangaʻi leva naʻe ʻikai ke ne lava ʻo ako ʻa e Haʻu, ʻo Muimui ʻIate Aú pe lau e Tohi ʻa Molomoná, ko ia ne u lau leʻolahi kiate ia.

Ko e lahi ange ʻeku feinga ke ʻiloʻi e ngaahi founga ke tokoní, ko e lahi ange ia ʻeku maʻu e ngaahi meʻa ne u lava ʻo fai ke fakahoko ai ha liliú. Kuo hiki ʻeni ʻa e tangatá ni ke fakataha mo hono ngaahi ʻofefiné, ka naʻá ku ongoʻi nonga ʻi he taimi naʻá ku ngāue tokoni ai kiate iá.

ʻI he taimi ne hāʻele mai ai ʻa Kalaisi ki he māmaní, naʻá Ne hāʻele mai ke tokoni. ʻOku ou ʻilo ʻi heʻeku tokoni ki he tangatá ni, ne u toe ofi ange ai ki hoku Fakamoʻuí.