Fēfē Kapau ʻOku Ou Ongoʻi Kuo Fuʻu Lahi ʻEku Ngaahi Fehalaākí?

Naʻe ʻi ai ha taimi ʻi heʻeku moʻuí naʻá ku ongoʻi mā mo halaia ai. Naʻá ku fakakaukau he ʻikai fakamolemoleʻi ʻe he Tamai Hēvaní mo Sīsū Kalaisi ʻeku ngaahi fehalaākí pe ko e taimi lahi naʻá ku tōnounou aí. Naʻá ku ongoʻi ʻo hangē he ʻikai lava ke fakamolemoleʻi aú. Ka naʻe tokoni ʻeku tūʻulutui ʻo fai ha lotú ke u ongoʻi ʻa e Laumālie Māʻoniʻoní.

ʻOku tokoniʻi au ʻe heʻeku tafoki kia Kalaisí koeʻuhí he ʻoku ou ʻiloʻi te u maʻu maʻu pē ha taha ʻoku fanongo mai pea te Ne poupouʻi au ke fai ʻa e ngaahi fili lelei tahá.

Te u lava ʻo tokoniʻi e niʻihi kehé ke nau tafoki kia Kalaisi ʻaki hono vahevahe ʻeku fakamoʻoní, ʻa ia ko ʻeni: Naʻa mo e taimi ʻoku tau faiangahala ai mo fai ha ngaahi fehalaākí, ʻe ʻi ai maʻu pē ʻa e Fakamoʻuí ke tokoniʻi kitautolu ke tau fakatomala fakamātoato pea ʻikai fakahalaiaʻi kitautolu.