Ko e Hā ʻOkú Ne Tokoniʻi Koe ʻi Hoʻo Fefaʻuhi mo e Anga Hoʻo Fakakaukau Kiate Koé?
Faleʻi mei he Toʻu Tupú: Ngaahi Meʻa ʻe 4 ke ʻIló, Ngaahi Meʻa ʻe 4 ke Fakahokó
ʻIloʻi:
Ko e Fānau Koe ʻa e ʻOtuá
“Ko hono manatuʻi ʻeku taumuʻá, hoku tuʻunga taʻengatá, mo e ʻuhinga ʻoku ou ʻi heni ai ke tupulakí, kae ʻikai ke u haohaoá.”
Lili S., taʻu 18, Kalefōnia, USA
“Ko hono manatuʻi ko ha foha ʻofeina au ʻo e ʻOtuá, pea ʻoku ʻi ai Haʻane ngāue ke u fakahoko.”
ʻEmeti C., taʻu 17, ʻIutā, USA
“ʻOku ou manatuʻi maʻu pē ʻa e kaveinga ʻa e Kau Finemuí: ʻoku ʻi ai hoku ʻnatula fakalangi mo e ikuʻanga taʻengata.ʻ”
Sēleti H., taʻu 16, Nuevo Lioni, Mekisikou
ʻOkú ke ʻi he Tatau ʻo e ʻOtuá
“ʻOku ou ʻi he tatau ʻo e ʻOtuá. ʻOku faitatau ʻa e kakai kotoa pē pea ʻoku nau toe faikehekehe foki ʻi he founga fakaʻofoʻofa.”
Tekitoni B., taʻu 15, ʻIutā, USA
“ʻOku ou fakamanatu kiate au ʻoku ou ʻi he tatau ʻo e ʻOtuá pea ʻoku ʻikai mahuʻinga e fakakaukau ʻa e kakaí.”
Seilo V., taʻu 16, Fololita, USA
“Sio ki he sioʻatá pea pehē, ʻKo e fānau au ʻa e ʻOtuá.ʼ ʻOku ou ʻi Hono tataú.”
Lōkani P., ta‘u 14, ‘Initiana, USA
ʻOku ʻOfeina Koe
“ʻIloʻi ʻoku ʻofa ʻa e ʻOtuá ʻiate au, pea ko hoku sinó ko ha meʻaʻofa!”
Makeila B., taʻu 17, ʻAlesona, USA
“ʻOku ou lotu ki he ʻOtuá ke Ne tokoniʻi au ke ongoʻi ʻEne ʻofa kiate aú ʻi he taimi ʻoku ʻikai ke u maʻu ai ha ʻofa kiate aú.”
Pulini B., taʻu 18, ʻIutā, USA
“ʻI he ʻikai ke u ongoʻi ʻoku ʻofaʻi aú mo ongoʻi ʻoku ʻikai tokanga mai ha tahá, ʻoku ou ʻilo ʻoku tokanga mai mo ʻofa ʻa Kalaisi ʻiate au.”
Lusi M., taʻu 17, ʻAlesona, USA
ʻOku Fakaofo mo Makehe Ho Sinó
“Ko ha tā valivali ʻoku taha pē ʻa e lanú, tatau ai pē pe ko e hā hono fakaʻofoʻofa ʻo e lanú, ko ha laʻipepa fakalanu pē ia ʻoku ʻikai ha meʻa ʻi ai. Ko e founga ʻe taha ʻoku ou fakakaukau ai ki aí ʻe taʻeoli ʻaupito ʻa e kuaeá kapau naʻa tau ʻōloto kotoa.”
ʻElesā P., taʻu 17, ʻAitahō, USA
“ʻOku ou houngaʻia ʻi hono foaki mai kiate au ha sino ʻoku ngāue lelei ke u lava ai ʻo tupulaki mo maʻu ha ngaahi aʻusia.”
ʻAlekisia C., taʻu 23, Tilana, ʻAlapēnia
Fakahoko:
Hiva/Fanongo ki he Mūsiká
“Ko hono hivaʻi ʻa e ʻFānau Au ʻa e ʻOtuáʼ pe ngaahi hiva kehe ʻokú ne fakamanatu mai hoku mahuʻinga taʻengatá.”
Anelise C., taʻu 16, ʻOlikoni, USA
“Ko e hiva ʻa e toʻu tupú ko e ʻʻOfeináʼ mei he Strive to Be.”
Halei M., taʻu 16, ʻInitiana, USA
“Ko hono manatuʻi ʻa Sīsū ʻo fakafou ʻi he mūsika ʻa e toʻu tupú—tautefito ki he ʻDivine.ʼ”
Ueli S., taʻu 16, Luanitā, ʻEngikola
Ngāue Tokoni
“Ko e fakasiʻisiʻi ange ʻeku tokanga taha kiate aú pea ngāue fakaetauhi ki he niʻihi kehé.”
Lepeka C., taʻu 16, ʻOhaiō, USA
“Ko hono tokoniʻi mo hiki hake ʻa e kakai ʻoku mau feohí!”
Eli B., taʻu 19, ʻIutā, USA
Angaʻofa Pē Kiate Koe
“ʻOku ou feinga ke tokanga taha ki he ngaahi mālohinga ʻoku ou maʻú mo e meʻa kuó u ikunaʻi ʻi he moʻuí, tautautefito ʻi heʻeku kau fakataha mo Kalaisí.”
RJ E., taʻu 17, Kalolaina Tokelau, USA
“ʻOku ou fāʻofua pē kiate au.”
Kauli B., taʻu 17, ʻAitahō, USA
“Sio kiate koe ʻi he sioʻatá pea pehē, ʻKapau ʻe lava ke ʻofa ʻa Sīsū ʻiate au, te u lava foki mo au ʻo ʻofa ʻiate au pē!ʼ”
Kalisa U., taʻu 17, ʻAlesona, USA
Kumi Tokoni mei he Niʻihi Kehé
“ʻI he taimi ʻoku ou fakakaukau ai ki he kakai ʻoku ʻofa ʻiate aú.”
Kelela L., taʻu 14, Kiupeki, Kānata
“Ko ʻeku maʻu hoku ngaahi kaungāmeʻá ke nau tokoniʻi au mo fakalotolahiʻi aú.”
Heiveni G., taʻu 15, ʻIutā, USA