សម័យប្រជុំរសៀលថ្ងៃអាទិត្យ
ទទួលយកអំណោយរបស់ទ្រង់
សេចក្តីដកស្រង់
ខ្ញុំចង់និយាយអំពី អំណោយមួយដែលគ្របដណ្ដប់គ្រប់ទាំងសេចក្តីពិតដ៏នៅអស់កល្បជានិច្ច ដែលគាំទ្រដល់សមត្ថភាពរបស់យើងក្នុងការទទួលបានអ្វីៗផ្សេងទៀត ដែលព្រះវរបិតាយើងចង់ប្រទានឲ្យយើង—គឺជាអំណោយដ៏សំខាន់នៃចំណេះដឹងដែលនៅពេលយល់ព្រមទទួលនិងទទួលយកយ៉ាងជ្រៅពេញលេញទៅក្នុងព្រលឹងផ្ដល់ឲ្យនូវអំណរ និងសម្រាលការលំបាកនៃជីវិត ហើយឆ្លើយសំណួរដែលមិនមានចម្លើយរបស់យើង ៖ គឺថា យើងពិតជាបុត្រាបុត្រីរបស់ព្រះប្រាកដមែន ។ វាគួរឲ្យរំភើបណាស់ ! អស្ចារ្យណាស់ ! ហើយសេចក្ដីពិតនេះគឺការពិត ។
… ហើយផ្លូវដែលបងប្អូនកំពុងដើរនេះគឺជាផែនការនៃសុភមង្គលរបស់ទ្រង់ ។ … ឱ ទ្រង់ពិតជាចង់ឲ្យបងប្អូនត្រឡប់ទៅរកទ្រង់វិញនៅថ្ងៃណាមួយខ្លាំងណាស់ ដើម្បីទទួលគោលបំណងដ៏ខ្ពង់ខ្ពស់បំផុតនៃអំណោយដ៏ស្រស់ស្អាតរបស់ទ្រង់គឺជីវិតដ៏នៅអស់កល្បជានិច្ចជាមួយទ្រង់ ។ …
… បងប្អូនអាចមករកព្រះគ្រីស្ទដោយទំនុកចិត្តលើសេចក្តីសប្បុរសរបស់ទ្រង់ ហើយទទួលអំណោយទាំងអស់នៃអំណរ សេចក្តីសុខសាន្ត ក្តីសង្ឃឹម ពន្លឺ សេចក្តីពិត វិវរណៈ ចំណេះដឹង និងប្រាជ្ញា—ដោយមានទំនុកចិត្ត លាតដៃ ហើយលាដៃរបស់បងប្អូនជាស្រេចដើម្បីទទួល ។ ហើយបងប្អូនអាចទទួលបានអំណោយទាំងនេះ ដោយសារបងប្អូនការពារ និងចាក់គ្រឹះនៅក្នុងចំណេះដឹងថា បងប្អូនជាបុត្រីជាទីស្រឡាញ់របស់ព្រះ បងប្អូនគឺជាបុត្រាជាទីស្រឡាញ់របស់ព្រះ ហើយទ្រង់បានប្រទានអំណោយដល់បងប្អូននូវព្រះរាជបុត្រាដ៏វិសុទ្ធដ៏ឥតខ្ចោះរបស់ទ្រង់ ដើម្បីប្រោសលោះបងប្អូន រាប់ជាសុចរិត និងញែកបងប្អូនជាបរិសុទ្ធ ។
… សូមទទួលយកអំណោយនេះម្តងទៀត ឬប្រហែលពិតជាទទួលអំណោយនេះជាលើកដំបូងក្តី នោះសូមអនុញ្ញាតឲ្យវាផ្លាស់ប្តូរគ្រប់ទិដ្ឋភាពនៃជីវិតបងប្អូន ។ នេះគឺជារបៀបដ៏ឥតខ្ចោះដែលព្រះបានរៀបចំសម្រាប់បងប្អូន តាមរយៈអំណោយនៃព្រះរាជបុត្រារបស់ទ្រង់ ។ មានបងប្អូន ដើម្បីឲ្យបងប្អូនមានសេចក្ដីអំណរ !