សម័យប្រជុំព្រឹកថ្ងៃសៅរ៍
នៅចំពោះមុខយើង
សេចក្តីដកស្រង់
យើងមានអំណរគុណដែលបាននៅលើផែនដី នៅពេលដែលសាសនាចក្រមានកំណើនតួលេខ និងមានឥទ្ធិពលកាន់តែខ្លាំង ប៉ុន្ដែអ្វីដែលសំខាន់ជាងនេះនោះគឺឥទ្ធិពលដែលសាសនាចក្របានមាននៅក្នុងដួងចិត្ដ និងជីវិតរបស់សមាជិកទាំងឡាយ ។ …
សព្វថ្ងៃនេះសាសនាចក្រមានព្រះវិហារបរិសុទ្ធចំនួន ៣៦៧ ដែលស្ថិតក្នុងដំណាក់កាលនៃការរចនា សាងសង់ ឬដំណើរការ ។ … បងប្អូនប្រុសស្រី យើងកំពុងពន្លឿនបរិសុទ្ធភាពរបស់យើង នៅពេលយើងរស់នៅដោយស័ក្ដិសមសម្រាប់ព្រះវិហារបរិសុទ្ធ នៅពេលយើងថ្វាយបង្គំក្នុងដំណាក់នៃព្រះអម្ចាស់ និងនៅពេលយើងធ្វើសេចក្ដីសញ្ញាជាមួយព្រះសម្រាប់ខ្លួនយើង និងសម្រាប់បុព្វការីជនរបស់យើងដែលនៅម្ខាងទៀតនៃវាំងនន ។ …
យើងមើលឃើញព្រះអម្ចាស់ពន្លឿនកិច្ចការរបស់ទ្រង់នៅក្នុងបេសកកម្មទាំងឡាយ ។ … សំខាន់ជាងតួលេខ គោលបំណងនៃការប្រមូលផ្ដុំគឺការនាំព្រលឹងទាំងអស់មករកព្រះយេស៊ូវគ្រីស្ទ និងដំណឹងល្អរបស់ទ្រង់ ។ …
យើងមើលឃើញព្រះអម្ចាស់ពន្លឿនឱកាសការអប់រំសម្រាប់សមាជិករបស់យើង និងសូម្បីតែសម្រាប់អ្នកមិនមានជំនឿដូចយើង នៅជុំវិញពិភពលោកផងដែរ ។ …
ថ្មីៗនេះ សិស្សជាង ៨០០,០០០ នាក់នៅទូទាំងពិភពលោក បានចុះឈ្មោះចូលរៀនថ្នាក់សិក្ខាសាលា និងវិទ្យាស្ថាន ជាតួលេខនៃការចុះឈ្មោះដ៏ខ្ពស់បំផុតមិនធ្លាប់មាននៅក្នុងប្រវត្ដិសាសនាចក្រ ។ …
ផ្នែកមួយផ្សេងទៀតដែលបង្ហាញពីការរីកចម្រើននៃផ្នែកអប់រំនៅក្នុងសាសនាចក្រនោះ គឺ BYU–Pathway Worldwide ។ … ការបញ្ចប់វគ្គសិក្សាទាំងឡាយមានន័យថាការទទួលបានការងារ ហើយការទទួលបានការងារមានន័យថាជីវិតល្អប្រសើរសម្រាប់ក្រុមគ្រួសារ និងឱកាសបន្ថែមទៀតដើម្បីបម្រើព្រះអម្ចាស់ ។ …
ខ្ញុំទទួលស្គាល់ថានៅក្នុងការណ៍ដ៏ល្អៗនៃដំណឹងល្អ មាននូវអ្នកដែលពុះពារ អ្នកដែលមានបញ្ហាសេចក្ដីជំនឿ ការសង្ស័យ និងសំណួរដែលហាក់ដូចជាគ្មានចម្លើយ ។ បងប្អូនប្រុសស្រី ព្រះយេស៊ូវគ្រីស្ទគឺជាចម្លើយ ។ សូមចាប់ផ្ដើមពីទ្រង់ ។ សូមរកមើលព្រះហស្ដរបស់ទ្រង់ក្នុងជីវិតរបស់បងប្អូន ។ សូមស្ដាប់តាមទ្រង់ចុះ ។ …
សូមដឹងថាទ្រង់ជា្របដឹង ។