សម័យប្រជុំរសៀលថ្ងៃអាទិត្យ
ទំនុកចិត្តនៅក្នុងទីវត្តមានរបស់ព្រះ
សេចក្តីដកស្រង់
នៅពេលយើងចុះ និងរក្សាសេចក្ដីសញ្ញាជាមួយព្រះ នោះយើងអាចមានទំនុកចិត្តដែលបានកើតមកពីព្រះវិញ្ញាណ ។ ព្រះអម្ចាស់បានប្រាប់ដល់ព្យាការី យ៉ូសែប ស្ម៊ីធ ថាទំនុកចិត្តរបស់យើងអាច « នឹងមានចិត្តក្លាហានឡើងនៅចំពោះវត្តមាននៃព្រះ » ។ …
នៅពេលខ្ញុំនិយាយអំពីការមានទំនុកចិត្តនៅចំពោះព្រះ ខ្ញុំកំពុងសំដៅទៅលើការមានទំនុកចិត្តទៅលើការចូលទៅកាន់ព្រះ ក្នុងពេលឥឡូវនេះ ! …
ឥឡូវ តើយើងទទួលបានទំនុកចិត្តដូច្នោះដោយរបៀបណា ? …
… នៅក្នុងបន្ទូលរបស់ព្រះអម្ចាស់ផ្ទាល់ សេចក្ដីសប្បុរស និងគុណធម៌បើកច្រកផ្លូវទៅកាន់ការមានទំនុកចិត្តនៅចំពោះព្រះ ! …
ទីមួយ សេចក្ដីសប្បុរស ។ …
សេចក្ដីសប្បុរសចំពោះមនុស្សទាំងអស់ដោយពិត គឺជាសញ្ញាសម្គាល់នៃអ្នកផ្សះផ្សាគេ ! វាគឺជាការចាំបាច់ដែលយើងមានសេចក្ដីសប្បុរសនៅក្នុងការសន្ទនារបស់យើង ទាំងជាសាធារណៈ និងជាឯកជន ។ …
ចូរយើងទូលអង្វរទៅកាន់ព្រះវរបិតាសួគ៌ឲ្យបំពេញនៅក្នុងដួងចិត្តយើងជាមួយសេចក្ដីសប្បុរសកាន់តែច្រើន—ជាពិសេសចំពោះអ្នកទាំងឡាយដែលពិបាកនឹងស្រឡាញ់—ដ្បិតសេចក្ដីសប្បុរសគឺជាអំណោយមួយមកពីព្រះវរបិតាសួគ៌របស់យើងសម្រាប់អ្នកដើរតាមដ៏ពិតរបស់ព្រះយេស៊ូវគ្រីស្ទ ។ …
ឥឡូវ ចូរយើងនិយាយអំពីគុណធម៌ ។ ព្រះអម្ចាស់ប្រាប់យើងឲ្យយកគុណធម៌តុបតែងគំនិតរបស់យើង ដោយឥតឈប់ឈរ ឡើយ ។ … គុណធម៌ធ្វើឲ្យអ្វីៗកាន់តែល្អប្រសើរ និងកាន់តែអរសប្បាយ ! … គុណធម៌នឹងធ្វើឲ្យបងប្អូនមានសេរីពីភាពតានតឹង គំនិតស្មុគស្មាញ ។ …
… ឱកាសដ៏ល្អមាននៅចំពោះមុខយើង គឺដើម្បីប្រែក្លាយជាមនុស្សដែលព្រះត្រូវការឲ្យយើងប្រែក្លាយ ។ …
… ខ្ញុំសូមអញ្ជើញបងប្អូនឲ្យបោះជំហានដើម្បីពង្រីកទំនុកចិត្ត របស់បងប្អូន នៅចំពោះព្រះអម្ចាស់ ។ បន្ទាប់មក នៅពេលយើងចូលទៅកាន់ព្រះវរបិតាសួគ៌យើងដោយមានទំនុកចិត្តខ្លាំងឡើង នោះយើងនឹងមានពេញដោយអំណរកាន់តែខ្លាំង ហើយជំនឿរបស់បងប្អូនទៅលើព្រះយេស៊ូវគ្រីស្ទនឹងកើនឡើង ។ យើងនឹងចាប់ផ្ដើមទទួលបទពិសោធន៍អំណាចខាងវិញ្ញាណដែលហួសពីក្ដីសង្ឃឹមដ៏ធំបំផុតរបស់យើង ។