សម័យប្រជុំរសៀលថ្ងៃសៅរ៍
ការស្រឡាញ់ជីវិត
សេចក្តីដកស្រង់
ពេលខ្លះ ការលំបាកដ៏ខ្លាំងក្លា និងទុក្ខព្រួយជាទម្ងន់ដែលមកពីភាពមិនច្បាស់លាស់ អាចជាការអមនឹងការការពារជីវិតផងដែរ ។
មានពាក្យពីរពាក្យបានភ្ជាប់ជាញឹកញាប់ទៅនឹងភាពបរិសុទ្ធនៃកំណើតនៃជីវិតរមែងស្លាប់ ៖ ជីវិត និងការជ្រើសរើស ។ ជីវិតគឺជាផ្នែកមួយដ៏មានតម្លៃបំផុតនៃផែនការដ៏ឥតខ្ចោះរបស់ព្រះវរបិតា ហើយដោយតាមបញ្ជារបស់ទ្រង់ នោះយើងស្រឡាញ់ និងថែរក្សាជីវិត ហើយយើងជ្រើសរើសការបន្តជីវិតនៅពេលមានគភ៌ ។ យើងក៏ឲ្យតម្លៃចំពោះអំណោយទាននៃជម្រើស នៃសិទ្ធិជ្រើសរើសខាងសីលធម៌ដែរ—ដោយការជួយពង្រឹងជម្រើសដ៏សុចរិត ដែលនាំមកនូវសុភមង្គលដ៏នៅអស់កល្បជានិច្ច ដែលព្រះបានអនុម័តឲ្យ ។ …
ការចិញ្ចឹមបីបាច់ និងការការពារជីវិតដែលមិនទាន់កើតមិនមែនជាជំហរខាងនយោបាយនោះទេ។ វាគឺជាច្បាប់ខាងសីលធម៌ដែលបានបញ្ជាក់ដោយព្រះអម្ចាស់ តាមរយៈពួកព្យាការីរបស់ទ្រង់ ។
… សូមឲ្យយើងនិយាយឲ្យបានញឹកញាប់ដោយសេចក្តីជំនឿ និងដោយក្ដីអាណិតអាសូរទៅកាន់យុវវ័យនៅក្នុងផ្ទះរបស់យើង និងជាមួយគ្នាទៅវិញទៅមកនៅក្នុងការប្រជុំសមាគមសង្គ្រោះ និងកូរ៉ុមអែលឌើររបស់យើងអំពីច្បាប់ព្រហ្មចារីភាពរបស់ព្រះអម្ចាស់ ភាពបរិសុទ្ធនៃជីវិត និងការមើលថែទារកដែលមិនទាន់កើត និងម្តាយរបស់ពួកគេ ។ …
សម្រាប់អ្នកស្តាប់រូបណាដែលបានដកពិសោធន៍នូវការឈឺចាប់ និងសោកស្ដាយយ៉ាងខ្លាំងពីការបាន ឬការចូលរួមក្នុងការរម្លូតកូន សូមចងចាំថា ៖ ទោះជាយើងមិនអាចផ្លាស់ប្តូរអតីតកាលក្តី ព្រះអាចព្យាបាលអតីតកាលបាន ។ ការអភ័យទោសអាចមកតាមរយៈអព្ភូតហេតុនៃព្រះគុណដ៏ធួនរបស់ទ្រង់ នៅពេលបងប្អូនងាកទៅរកទ្រង់ដោយដួងចិត្ដនៃការប្រែចិត្ដ និងមានភាពរាបសា ។
បងប្អូនប្រុសស្រីជាទីស្រឡាញ់របស់ខ្ញុំ ការចុះថយសេចក្តីស្រឡាញ់ចំពោះទារកដែលមិនទាន់កើតនៅទូទាំងពិភពលោកគឺជាក្តីព្រួយបារម្ភយ៉ាងខ្លាំង ។ ព្រះស្រឡាញ់ជីវិត ។ នេះគឺជាកិច្ចការរបស់ទ្រង់ និងសិរីរុងរឿងរបស់ទ្រង់ដើម្បីនាំមកនូវអមតភាព និងជីវិតដ៏នៅអស់កល្បជានិច្ចដល់បុត្រាបុត្រីរបស់ទ្រង់ ។ ក្នុងនាមជាសិស្សរបស់ព្រះយេស៊ូវគ្រីស្ទ យើងស្រឡាញ់ជីវិត ។