សម័យប្រជុំរសៀលថ្ងៃសៅរ៍
ការរៀបចំផ្ទាល់ខ្លួនដើម្បីជួបព្រះអង្គសង្រ្គោះ
សេចក្តីដកស្រង់
នៅពេលប្រធាន ណិលសុន ថ្លែងអំពីការយាងមកជាលើកទីពីរ វាពេញដោយសុទិដ្ឋិនិយមដ៏រីករាយជានិច្ច ។ ប៉ុន្ដែនៅពេលថ្មីៗនេះ មានកុមារីម្នាក់នៅអង្គការបឋមសិក្សាប្រាប់ខ្ញុំថា នាងបែរជាមានចិត្តអន្ទះសាទៅវិញ នៅពេលណាដែលគេលើកឡើងអំពីការយាងមកជាលើកទីពីរ ។ នាងបាននិយាយថា « ខ្ញុំភ័យខ្លាច ព្រោះរឿងអាក្រក់ៗនឹងកើតឡើង មុនពេលព្រះយេស៊ូវយាងមកម្តងទៀត » ។
… ដំបូន្មានដ៏ល្អបំផុតសម្រាប់នាង សម្រាប់បងប្អូន និងសម្រាប់ខ្ញុំ គឺការធ្វើតាមការបង្រៀនរបស់ព្រះអង្គសង្គ្រោះ ។ …
នៅជិតចុងបញ្ចប់នៃការងារបម្រើក្នុងព្រះជន្មរមែងស្លាប់របស់ទ្រង់ គេបានទូលសួរព្រះយេស៊ូវគ្រីស្ទថា តើទ្រង់នឹងយាងមកម្តងទៀតនៅពេលណា ។ …
ដំបូង ព្រះអង្គសង្គ្រោះបានប្រាប់អំពីរឿងប្រៀបប្រដូចនៃស្ត្រីព្រហ្មចារីដប់នាក់ ។ …
មេរៀនដ៏សំខាន់នៃរឿងប្រៀបប្រដូច អំពីស្រីព្រហ្មចារីដប់នាក់នេះគឺថា យើងមានប្រាជ្ញា នៅពេលយើងទទួលយកដំណឹងល្អ ខិតខំមានព្រះវិញ្ញាណបរិសុទ្ធគង់នៅជាមួយយើង និងចៀសវាងពីការបោកបញ្ឆោត ។ … យើងត្រូវតែធ្វើការណ៍នេះដោយខ្លួនឯង ។
បន្ទាប់មក ព្រះអង្គសង្គ្រោះបានប្រាប់រឿងប្រៀបប្រដូចអំពីប្រាក់ ។ …
សារលិខិតមួយនៃរឿងប្រៀបប្រដូចនេះគឺថា ព្រះរំពឹងឲ្យយើងពង្រីកសមត្ថភាពដែលយើងទទួលបាន ប៉ុន្តែទ្រង់មិនចង់ឲ្យយើងប្រៀបធៀបសមត្ថភាពរបស់យើង ទៅនឹងសមត្ថភាពរបស់អ្នកដទៃទៀតឡើយ ។ …
ជាចុងក្រោយ ព្រះអង្គសង្គ្រោះបានប្រាប់រឿងប្រៀបប្រដូចអំពីសត្វចៀម និងសត្វពពែ ។ …
មេរៀនមកពីរឿងប្រៀបប្រដូចរបស់ព្រះអង្គសង្គ្រោះអំពីសត្វចៀម និងសត្វពពែគឺថា យើងត្រូវប្រើអំណោយទានដែលយើងទទួលបាន—ពេលវេលា ទេពកោសល្យ និងពរជ័យនានា—ដើម្បីបម្រើបុត្រាបុត្រីរបស់ព្រះវរបិតាសួគ៌ ជាពិសេសអ្នកងាយរងគ្រោះ និងអ្នកទ័លក្របំផុត ។
ការអញ្ជើញរបស់ខ្ញុំទៅកាន់កុមារអង្គការបឋមសិក្សា ដែលមានការថប់បារម្ភ ដែលខ្ញុំបានរៀបរាប់ខាងលើនេះ និងទៅកាន់បងប្អូនម្នាក់ៗគឺ សូមធ្វើតាមព្រះយេស៊ូវគ្រីស្ទ និងជឿជាក់លើព្រះវិញ្ញាណបរិសុទ្ធ ដូចដែលបងប្អូនជឿជាក់លើកល្យាណមិត្តម្នាក់ដែរ ។