សម័យប្រជុំព្រឹកថ្ងៃសៅរ៍
ដង្វាយធួនរបស់ព្រះយេស៊ូវគ្រីស្ទផ្ដល់ការសង្គ្រោះដ៏ធំធេងបំផុត
សេចក្តីដកស្រង់
បទពិសោធន៍របស់អ្នកត្រួសត្រាយផ្លូវផ្តល់ដល់ពួកបរិសុទ្ធថ្ងៃចុងក្រោយនូវប្រពៃណីខាងប្រវត្តិសាស្រ្តដ៏ពិសេស និងកេរដំណែលខាងវិញ្ញាណជារួមដ៏មានឥទ្ធិពល ។ …
ភាគច្រើននៃពួកបរិសុទ្ធដែលធ្វើដំណើរជាមួយនឹងរទេះរុញជួបការលំបាក ប៉ុន្តែពួកគេបានចៀសផុតពីព្រឹត្តិការណ៍មិនអនុគ្រោះធំៗជាច្រើន ។ ប៉ុន្តែក្រុមរទេះរុញពីរគឺក្រុម វីលី និង ម៉ាទីន បានជួបប្រទះការអត់ឃ្លាន អាកាសធាតុត្រជាក់ខ្លាំង និងការស្លាប់ជាច្រើន ។ …
ប្រធាន ព្រិកហាំ យ៉ង់ បានដឹងជាលើកដំបូងអំពីស្ថានភាពដ៏គ្រោះថ្នាក់របស់ក្រុមទាំងនេះនៅថ្ងៃទី៤ ខែតុលា ឆ្នាំ១៨៥៦ ។ …
លោកបានស្នើប៊ីស្សពជាច្រើនឲ្យផ្តល់ក្រុមសេះចំនួន ៦០ រទេះចំនួន ១២ ឬច្រើនជាងនេះ និងម្សៅ ១២ តោន ( ១០,៨៨៦ គីឡូ ) ហើយបានប្រកាសថា « ចូរទៅ ហើយនាំមនុស្សទាំងនោះដែលនៅលើវាលទំនាបមកឥឡូវនេះ » ។
… បើគ្មានការសង្គ្រោះទាន់ពេលវេលាទេ មនុស្សជាច្រើនទៀតនឹងស្លាប់ ។ …
បើគ្មានដង្វាយធួនទេ យើងមិនអាចសង្គ្រោះខ្លួនឯងពីអំពើបាប និងសេចក្ដីស្លាប់បានទេ ។ …
អំឡុងរដូវបុណ្យអ៊ីស្ទើរនេះ ការផ្តោតរបស់យើងគឺលើព្រះអង្គសង្គ្រោះ និងពលិកម្មដ៏ធួនរបស់ទ្រង់ ។ ដង្វាយធួនផ្ដល់នូវសេចក្ដីសង្ឃឹម និងពន្លឺនៅគ្រាដែលហាក់ដូចជាងងឹត និងអាប់អួរសម្រាប់មនុស្សជាច្រើន ។ …
ខ្ញុំសូមចែកចាយអនុសាសន៍ចំនួនបីដែលខ្ញុំគិតថា ពាក់ព័ន្ធជាពិសេសសម្រាប់ជំនាន់របស់យើង ។
ទីមួយ សូមកុំមើលស្រាលសារៈសំខាន់នៃការធ្វើអ្វីដែលយើងអាចធ្វើបាន ដើម្បីសង្គ្រោះអ្នកដទៃពីឧបសគ្គខាងរាងកាយ និងជាពិសេសខាងវិញ្ញាណឡើយ ។
ទីពីរ ទទួលយកដង្វាយធួនរបស់ព្រះអង្គសង្គ្រោះដោយអំណរគុណ ។ …
ដំបូន្មានទីបីរបស់ខ្ញុំគឺត្រូវកំណត់ពេលវេលាដ៏ខ្ជាប់ខ្ជួន ដើម្បីជញ្ជឹងគិតដោយស្មោះត្រង់អំពីដង្វាយធួនរបស់ព្រះអង្គសង្គ្រោះ ។ មានវិធីជាច្រើនដើម្បីធ្វើរឿងនេះនៅក្នុងការគោរពខាងសាសនាផ្ទាល់ខ្លួនរបស់យើង ។ ទោះជាយ៉ាងណា ការចូលរួមការប្រជុំសាក្រាម៉ង់ និងការទទួលទានសាក្រាម៉ង់គឺមានសារៈសំខាន់ជាពិសេស ។
សំខាន់ដូចគ្នានេះដែរគឺការចូលរួមជាប្រចាំនៅក្នុងព្រះវិហារបរិសុទ្ធ នៅកន្លែងណាដែលអាចធ្វើទៅបាន ។ …
… ដង្វាយធួនរបស់ព្រះយេស៊ូវគ្រីស្ទផ្ដល់ការសង្គ្រោះដ៏ធំធេងបំផុតពីការសាកល្បងដែលយើងប្រឈមនៅក្នុងជីវិតនេះ ។