សម័យប្រជុំព្រឹកថ្ងៃសៅរ៍
បានសង្គ្រោះខាងវិញ្ញាណក្នុងទ្រង់
សេចក្តីដកស្រង់
លោកចៅហ្វាយនៃការព្យាបាល នឹងព្យាបាលរាល់ការរងទុក្ខ—ទាំងខាងរាងកាយ និងខាងសតិអារម្មណ៍ទាំងអស់របស់យើង—ស្របតាមពេលវេលារបស់ទ្រង់ ។ ប៉ុន្តែនៅក្នុងការរង់ចាំដើម្បីបានព្យាបាល តើមនុស្សម្នាក់អាចជាសះស្បើយទាំងស្រុងឬទេ ? …
សេចក្តីជំនឿលើព្រះយេស៊ូវគ្រីស្ទបង្កើតក្តីសង្ឃឹម ។ ខ្ញុំរកឃើញក្តីសង្ឃឹមក្នុងការខិតខំប្រឹងប្រែងឲ្យបានជាសះស្បើយ—ការជាសះស្បើយទាំងស្រុងកើតចេញពីសេចក្តីជំនឿលើព្រះយេស៊ូវគ្រីស្ទ ។ ការមានសេចក្តីជំនឿទៅលើទ្រង់បង្កើនសេចក្តីសង្ឃឹមសម្រាប់ការព្យាបាល ហើយសេចក្តីសង្ឃឹមនោះពង្រឹងសេចក្តីជំនឿរបស់ខ្ញុំទៅលើព្រះយេស៊ូវគ្រីស្ទ ។ វាគឺជាវដ្តដ៏មានអានុភាព ។ …
ដើម្បីបានសេចក្តីសង្គ្រោះមានន័យថាត្រូវគោរពតាមទាំងស្រុង និងពេញលេញ ។ ដូចជាដំណើររឿងរបស់ស្រ្តីព្រហ្មចារីមានគំនិតទាំងប្រាំនាក់ ដែលចង្កៀងរបស់ពួកគេមានប្រេងពេញនៅពេលកូនកំលោះមកដល់ នោះយើងអាចបានសង្រ្គោះនៅក្នុងព្រះគ្រីស្ទ កាលយើងចាក់បំពេញចង្កៀងរបស់យើងជាមួយនឹងប្រេងបំប៉ននៃការប្រែចិត្តជឿទៅលើទ្រង់ ។ …
យើងត្រូវបានបង្គាប់ឲ្យចែកចាយពន្លឺរបស់ទ្រង់ ។ ដូច្នេះត្រូវរក្សាចង្កៀងរបស់អ្នកឲ្យមានប្រេងនៃការប្រែចិត្តជឿទៅកាន់ព្រះយេស៊ូវគ្រីស្ទឲ្យពេញ ហើយត្រូវរៀបចំខ្សែប្រឆេះចង្កៀងរបស់អ្នកឲ្យឆេះបំភ្លឺ ។ បន្ទាប់មកទុកឲ្យពន្លឺនោះភ្លឺឡើង ។ នៅពេលយើងចែកចាយពន្លឺរបស់យើង នោះយើងនាំយកការជាសះស្បើយនៃព្រះយេស៊ូវគ្រីស្ទដល់អ្នកដទៃ ការប្រែចិត្តជឿរបស់យើងទៅលើទ្រង់កាន់តែជ្រាលជ្រៅ ហើយយើងអាចបានសង្គ្រោះ ទោះជាយើងកំពុងរង់ចាំការព្យាបាលក្តី ។ ហើយនៅពេលយើងអនុញ្ញាតឲ្យពន្លឺរបស់យើងភ្លឺចែងចាំង នោះយើងក៏អាចមានក្តីអំណរខណៈពេលដែលយើងកំពុងរង់ចាំផងដែរ ។ …
បងប្អូនប្រុសស្រី ចម្លើយនោះគឺចាស៎ យើងអាចបានសង្គ្រោះខាងវិញ្ញាណ សូម្បីតែក្នុងអំឡុងពេលកំពុងរង់ចាំការព្យាបាលខាងរាងកាយ និងខាងសតិអារម្មណ៍ក្តី ។ ការសង្គ្រោះដ៏ពេញលេញមិនចាំបាច់មានន័យថា ជាការស្ដារឡើងវិញខាងរាងកាយ និងសតិអារម្មណ៍ក្នុងជីវិតនេះទេ ។ ការសង្គ្រោះដ៏ពេញលេញកើតឡើងមកពីសេចក្តីជំនឿ និងការប្រែចិត្តជឿទៅលើព្រះយេស៊ូវគ្រីស្ទ ហើយអនុញ្ញាតឲ្យពន្លឺនៃការប្រែចិត្តជឿនោះបញ្ចេញពន្លឺ ។