សម័យប្រជុំល្ងាចថ្ងៃសៅរ៍
ការថ្វាយបង្គំ
សេចក្តីដកស្រង់
តើការថ្វាយបង្គំព្រះមានន័យយ៉ាងណាចំពោះបងប្អូន និងខ្ញុំ ? …
ទីមួយ សកម្មភាពដែលបង្កើតជាការថ្វាយបង្គំរបស់យើង
ទម្រង់ដ៏ទូទៅ និងសំខាន់បំផុតមួយនៃការថ្វាយបង្គំគឺ ការជួបជុំគ្នានៅទីកន្លែងមួយដែលបានញែកចេញ ដើម្បីធ្វើការថ្វាយបង្គំដល់ព្រះ ។ …
ការថ្វាយបង្គំនៅថ្ងៃរបស់ព្រះអម្ចាស់ ត្រូវបានចំណាំដោយការផ្ដោតជាពិសេសទៅលើពលិកម្មដ៏ធួនមហិមារបស់ព្រះយេស៊ូវគ្រីស្ទ ។ … សម្រាប់អ្នកដែលប្រែចិត្ត ការទទួលទានសាក្រាម៉ង់គឺជាចំណុចសំខាន់នៃការថ្វាយបង្គំនៅថ្ងៃឈប់សម្រាក ។
… ក្នុងនាមជាសហគមន៍ពួកបរិសុទ្ធ យើងពង្រឹងគ្នាទៅវិញទៅមកនៅក្នុងការថ្វាយបង្គំ និងសេចក្ដីជំនឿ ។
ទោះជាដូច្នោះក៏ដោយ ក៏យើងមិនអាចបំភ្លេចសកម្មភាពថ្វាយបង្គំជារៀងរាល់ថ្ងៃ ដែលយើងធ្វើជាលក្ខណៈបុគ្គល និងនៅផ្ទះនោះដែរ ។ …
ឥរិយាបថ និងអារម្មណ៍ដែលមានជាប់ជាមួយការថ្វាយបង្គំ
ការថ្វាយបង្គំដ៏ពិតមានន័យថា ការស្រឡាញ់ព្រះ និងការចុះចូលឆន្ទៈរបស់យើងតាមទ្រង់—ជាអំណោយដ៏មានតម្លៃបំផុតដែលយើងអាចថ្វាយបាន ។ …
នេះគឺជាគំរូនៃការថ្វាយបង្គំរបស់ព្រះយេស៊ូវគ្រីស្ទផ្ទាល់ចំពោះព្រះវរបិតា ។ …
ការថ្វាយបង្គំគឺជាការខិតខំធ្វើតាមគំរូដ៏ល្អឥតខ្ចោះនេះ ។ …
ទីបី ភាពទាំងស្រុងនៃការថ្វាយបង្គំរបស់យើង
អ្វីក៏ដោយដែលមានអាទិភាពជាងការថ្វាយបង្គំដល់ព្រះវរបិតា និងព្រះរាជបុត្រា នឹងក្លាយជារូបព្រះ ។ … កម្មវត្ថុនៃការថ្វាយបង្គំរបស់យើងគឺជា « ព្រះពិតតែ១ និងព្រះយេស៊ូវគ្រីស្ទ ដែល [ ទ្រង់ ] បានចាត់ឲ្យមក » ទាំងស្រុង ។
ជាចុងបញ្ចប់ ភាពចាំបាច់ដើម្បីត្រាប់តាមព្រះវរបិតា និងព្រះរាជបុត្រា
នៅទីបំផុត របៀបដែលយើងរស់នៅអាចជាទម្រង់នៃការថ្វាយបង្គំដ៏ល្អបំផុត និងស្មោះត្រង់បំផុត ។ ការបង្ហាញភក្ដីភាពរបស់យើងមានន័យថា ការត្រាប់តាមព្រះវរបិតា និងព្រះរាជបុត្រា—ការបណ្ដុះគុណលក្ខណៈ និងបុគ្គលិកលក្ខណៈរបស់ទ្រង់នៅក្នុងខ្លួនយើង ។ …
… នៅពេលយើងដើរលើផ្លូវនៃសេចក្ដីសញ្ញា នោះ « អំណាច ( បន្សុទ្ធ ) នៃព្រះត្រូវបានសម្ដែងឲ្យឃើញ » នៅក្នុងខ្លួនយើង ។