មកពីគណៈប្រធានទីមួយ
គំរូរបស់លោកយាយទួតខ្ញុំ
កែសម្រួលមកពី « ភាពសាមញ្ញគឺជាគោលលទ្ធិនៃព្រះយេស៊ូវគ្រីស្ទ » លីអាហូណា ខែវិច្ឆិកា ឆ្នាំ២០២៤ ទំព័រ៩៦–៩៩ ។
លោកយាយទួតរបស់ខ្ញុំឈ្មោះ ម៉ារី បមមែលី មានចិត្តស្មោះក្នុងការចែកចាយដំណឹងល្អរបស់ព្រះយេស៊ូវគ្រីស្ទ ។ ក្រុមគ្រួសាររបស់គាត់បានរៀនជាមួយពួកអ្នកផ្សព្វផ្សាយសាសនានៅប្រទេសស្វីស នៅពេលគាត់មានអាយុ ២៤ ឆ្នាំ ។
បន្ទាប់ពីគាត់បានជ្រមុជទឹករួចហើយ លោកយាយម៉ារីបានផ្លាស់ទៅប្រទេសអាល្លឺម៉ង់ ។ ប៉ុន្តែលោកយាយទួតឃើញថា គាត់មិនអាចឈប់ចែកចាយអ្វីដែលគាត់បានរៀននោះទេ ។ មនុស្សបានប្រមូលផ្តុំគ្នានៅជុំវិញគាត់ ដើម្បីស្តាប់គាត់បង្រៀន នៅពេលដែលគាត់ត្បាញក្រណាត់ ។
លោកយាយម៉ារីបាននិយាយអំពីព្រះគម្ពីរមរមន និងព្រះវរបិតាសួគ៌ និងការយាងមកជួបរបស់ព្រះយេស៊ូវគ្រីស្ទទៅកាន់ យ៉ូសែប ស្មីធ ។ គាត់បានបង្រៀនអំពីការរស់ឡើងវិញ ។ គាត់បានថ្លែងទីបន្ទាល់ថា ក្រុមគ្រួសារអាចរស់នៅជាមួយគ្នាជានិរន្ដរ៍បាន ។
ការបង្រៀនដល់បុត្រាបុត្រីរបស់ព្រះវបិតាសួគ៌អំពីព្រះយេស៊ូវគ្រីស្ទ គឺជាកិច្ចការដ៏ពិសិដ្ឋ ។ នៅពេលយើងបង្រៀនគោលការណ៍ទាំងនេះដល់អ្នកទាំងឡាយដែលយើងស្រឡាញ់ នោះព្រះវិញ្ញាណបរិសុទ្ធនឹងជួយយើងឲ្យស្គាល់សេចក្តីពិត ។
គូរដំណើររឿងគ្រួសារ
ប្រធាន អាវរិង បានទទួលការបំផុសគំនិតពីលោកយាយទួតរបស់លោក ។ តើអ្នកណានៅក្នុងគ្រួសាររបស់ប្អូន ដែលបំផុសគំនិតប្អូនឲ្យជ្រើសរើសអ្វីដែលត្រូវ ? សូមប្រើប្រអប់ខាងក្រោមដើម្បីគូរដំណើររឿងគ្រួសារ ។
រចនារូបភាពដោយ ស្សនណា ជេ ស៊ី ថែននី