Fare Tabinaw ku Yanagida

Tithing nge mich ngak Yesus Kristus

Toshiko nge Tokichi Yanagida nge tabinaew rorow.

Toshiko nge Tokichi Yanagida e yow ma par u Japan. Mich u wun’raed Yesus Kristus ma kar uned ko Galasia Rok’. Machane par u Japan e ngiyal’ nem e rib momaw’ rogon. Bay reb e maal nike gathay e tabinaew nge nu’un. Toshiko nge Tokichi e ri yow ba’adag ni ngar toyew reb e nu’un ni fan ko tabinaew rorow, machane rib gel e gafgow rorow.

Gidii’en Got, 3:543

Fare tabinaew ku Yanagidas ni yaed be non ngak e tamachib.

Tabinaew ku Yanagidas e yaed manang ni Somoel e ba’adag ni ngar pi’ed pilwon e tithing, machane danra nanged ko rayag roraed fa dangay. Ere fith Toshiko reb fare tamachib ko mang e nge rrin’ ko biney. Me ga’ar, “Tithing e rib momaw’ rogon ngomaed.” Fare tamachib e micheg ni fa’an yaedra pi’ pilwon e tithing roraed, ma Somoel era ayuwegraed ko reb e nu’un ni ngar tafnayed.

Doctrine and Covenants 119; Gidii’en Got, 3:543–44

Toshiko nge Tokichi e ra duugliyew ni ngar ul’ul’ gow i pi’ pilwon e tithing rorow.

Marwaer u wun’ Toshiko nge Tokichi e biney. Ya kumus ko salpiy nifan ko ggan ko skuul nifan ngak fak row ma ku dani gaman urngin. Machane ra duugliyew ni nge pagaen’ row ngak Somoel mi yow pi’ pilwon e tithing rorow.

Gidii’en Got, 3:543–44

Fare tabinaew ku Yanagidas ni yaed bay u mit reb e nu’un nifan ngoraed nga mm’on.

Somoel e tawa’ath nag fare tabinaw ku Yanagida. De n’uw napan ngay mi yaed chuwi’iy bang e butt’ mi yaed tabab i toey e nu’un roraed.

Gidii’en Got, 3:544

Reb fapi gidii’en e ta muruwel e yoeg ngak fare tabinaew ku Yanagidas ni dabiyag ni ngar toyed fare nu’un roraed.

Borran riy be yib be’ ni kanog e inspector ngak ngabi guy rogon fare nu’un ni yibe toey. Me yoeg ni bay ban’en nib kireb ko farengi butt’, ma dabiyag ni ngar toeyed e nu’un roraed nga dakean. Me yoeg ngak fapi gidii’en e ta muruwel ni ngar tal gaed.

Gidii’en Got, 3:544

Reb fare tamachib nibe non ngak fare tabinaew.

Kari kirbaen’ fare tabinaew ku Yanagidas. Kar roged ngak fagli tamachib e n’en nike buch. Me yoeg fagli tamachib ni bayra balay nag e abich rorow mi yow meybil nifan fare tabinaew ku Yanagidas.

Gidii’en Got, 3:545

Ta’aboch riy, maki yib reb e inspector. Me yoeg ni fare n’en nib kireb ko farengi butt’ e rayag ni ngan fal’ag rogon. Ma fare tabinaew Ku Yanagidas e rayag ni ngar toeyed e nu’un roraed. Ma fare inspector e ga’ar ngak Toshiko nge Tokichi, “Sana bay ban’en nikam rrin’ew ni rib fel’.” Kar nangew ni Somoel e ke tawa’ath nagrow. Ke falfalaen’ row ngay ni kar duugliyew ni nge pagaen’ row Ngak mi yow pii’ pilwon e tithing rorow.

Gidii’en Got, 3:545