Mission ku Parley ni be yaen nga Kanada

Tomuren nike yibliy nag fare Temple u Kirtland, bo’or e pi tiyugang’ ni kar thapeged e mission nge machib nag fare gospel.

Doctrine and Covenants 88:81; 109:22–23; 112:28–29; Saints, 1:249

Parley Pratt ba’adag ni nge machib nag fare gospel. Machane ke lemnag ni thingari par u na’un rok’ bachane e le’engin, fithingan Thankful, bay m’ar. Me dakiriy bo’or e sapliy rorow.

Saints, 1:249

Heber Kimball, e fagar nge ta’areb e Apostle rok’ Parley, ni ke yib nge non ngorow. Nike yibliy nag Parley nge keyoeg ni thingari machib nag e gospel u Kanada. Ulan e yibliy ney, Heber nike micheg nag Thankful ni ra gelnag e m’ar. Nike micheg ni’ir ra fak e bitir nib pumo’on nge fare Somoel ni ra ayuweg Parley thapeg e salpiy ni bat’uf.

Saints, 1:249–50

Thankful nge Parley ni kar mabgol gow ko 10 e duw. Me dakiriy e fakrow. Machane bay e mich rorow nifan e pi micheg rok’ Somoel. Dariy’fan ni riy nga palog ko Thankful nge Kanada, Parley nike yaen nge machib nag e gospel.

Saints, 1:250

Ulan e Kanada, Parley nikey sap ko pi tafen rayog ni nge machib nag ngak e gidii’. Nike fith fa’anra rayog ni nge machib ulan reb e galasia nge pi na’un. Gubin e gidii’ me yoeg e danga’.

Saints, 1:252–53

Parley nike mada’nag John nge Leonora Taylor. Yow ba’adag Yesus Kristus nge fare Bible. John nike fith Parley fa’an nike machib nag e pi’nen nib thil ko fare Bible.

Saints, 1:252–53

Parley nike yoeg nima machib nag marnga’agen e Yesus, pi profet, tawfe nge fare Kan ni Thothup. Gubin pinnʼem ni bay ulan fare Bible. John nike fith, “Mangfan ni bay Joseph Smith nge fare Babyor ku Mormon?” Parley ni key weliy ngak John nike nang be riyul’ fare Babyor ku Mormon, ta’abrogon e Bible, nge Joseph Smith ni’ir e profet ku Got.

Saints, 1:253

John nike michaen’ ngak e thin rok’ Parley. Ke bi’eg fare Babyor ku Mormon nge ke nang ni’ir riyul’. John nge Lenora kar pinning e pi fagar rorow, Joseph, Mercy, nge Mary Fielding nge boch reb e gidii’ ni ngar yib nge rungan’ e machib rok’ Parley. Bo’or e gidii’ ni kar tawfe nag nge uned ko Galasia.

Saints, 1:254–55

Ke falfalaen’ Parley, machane ir ba’adag ni nge sul nga tabinaw rok’ nge Thankful u Kirtland. Ke yoeg e kafel’ ngak e pi fagar nib bi’ech u Kanada. Napan ni ke rungrung pa’med, ni kar pii’ed ngak e salpiy e rayog ni nge ayuweg e tabinaw rok’.

Saints, 1:255–56

Napan nike sul Parley nga na’un rok’, ni ke sap Thankful ke gelnag e m’ar rok’. Parley nike fek boch reb e pi Babyor ku Mormon nge ke sul nga Kanada ere rayog ni nge machibnag fare gospel. Biney e ngiyal’, Thankful ni ke un ngak.

Saints, 1:256

Thankful nge Parley kar filew yow ra fakew e bitir. Kar puguran e yibliy Heber nike pii’ Parley. Kar lemnigew gubin e pi’nen fare Somoel ni ke micheg ngorow ulan e yibliy ney ke buch.

Saints, 1:256