“Kalbus u Liberty,” Fapi Yaat ko Doctrine and Covenants (2024)
“Kalbus u Liberty,” Fapi Yaat ko Doctrine and Covenants
October 1838–March 1839
Kalbus u Liberty
Pir’eg Somoel ko ngiyal’ nib mo’omaw’ e yafos
Gidii’ nima par u Missouri e dabun dakean fapi Gidii’en Got. Fare aam e pi’ e salthaw ngani tuluf raed. Fapi salthaw nibe tuluf Gidii’en Got ulan e tabinaew roraed, irring e chugum ulan e tabinaew roraed, nge mu’ miyaed gafgow nagraed.
Gidii’en Got, 1:355–56, 362, 364
Fapi salthaw ni kalbus nag fare Profet Joseph Smith nge boech e tiyugang’ ko Galasia.
Gidii’en Got, 1:357–58
Fith Joseph ko rayag ni ngan ni fingichiy e tabinaew rok’ u mm’on ni ngan fek. Fapi salthaw e roged e danga’. Ribra feked Joseph nge boech gidii’en e kalbus.
Gidii’en Got, 1:366
Reb e nep ngay, bay Joseph nge boch fapi gidii’en e kalbus ni yaed be rung’ag e n’en nibe yoeg fapi salthaw nibe matanngiy e kalbus nikar rrin’ed nib kireb ngak fapi Gidii’en Got. Ma dankiyog rok Joseph ni nga’i motoyil ko pin’en ni yaed be yoeg. Me sak’iy me tolulnag, “Dabkum non gaed!” Ke non nibay gelngin Got riy. Fapi salthaw nibe matanggiy e kalbus e kar rus gaed. Mi yaed siroq nag mi yaed tal ko numon.
Gidii’en Got, 1:367–68
Ta’aboch riy, ma kun tay Joseph nge tafagar rok’ ngalan e kalbus nibay ulan reb e binaew ni kanoeg yu Liberty ngay. Biney e kalbus e rib gel a garbeb riy, ma rib achichig, ni rib lumor. Makemus ni ri’in gaf e pan e bay riy nrayag ni ngan mol nga dakean. Kemus nri buch’uw e ggan riy, ni krang e m’ar ngoraed.
Gidii’en Got, 1:369–70, 374, 384–85
Joseph era par ma tafney nag fapi Gidii’en Got ni gubin ngiyal’. Ri yaed btu’uf rok’. Ma m’agfaen’ ngoraed. Ma dariy ban’en nrayag ni nge rrin’ ni nge ayuwegraed.
Gidii’en Got, 1:385–86
Joseph e meybil nri bo’or yay. Ke fith ngak Got ko ngan e bay riy nge mangfan ni dar pi’ e ayuw ngak fapi Gidii’ Rok’. Sana ke pagtilin Got mornga’agen nge fare Galasia?
Doctrine and Covenants 121:1–6
Got nike fulweg taban e meybil rok’ Joseph. Ni ga’ar, “Fakag, gapas ngalan gum’ircha’em.” Me yoeg ngak Joseph ni biney e gafgow e dabi par nib manemus, ma biney era mang fal’ngin. Me pugorran Got ngak Joseph ni Yesus Kristus e ke rrin’ boech ban’en nib gel e gafgow nge amith riy ko biney. Me micheg nag ngak Joseph nra par rok ni “dariy bi’id manemus.”
Doctrine and Covenants 121:7; 122:5–9