Be milekag Jane Manning nga Nauvoo

Dared nga bu’ ni bay e mich ngak Somel

Jane Manning nge tabinaw rok kar pared ulan e binaw ni bay e gidii’ ni dubrad ngorad nge rrin’ed e tin nib kireb ngorad bachane e ra’en ko dowen rorad. Ta’areb e rran, Jane nike rung’an e machib rok’ e missionary. Irma nang ni ba riyul e milwol rok’. Bin magid e Madnom, nike tawfe nag.

Saints, 1:500–501

Jane nge tabinaw rok’ be tababgad e milekag rorad nga Nauvoo.

Tabinaw rok’ Jane ni kar uned e Galasia. Somoel ba’adag fapi Saint ni ngar mukun uta’abong u Nauvoo. Jane ni btu’uf Somoel. Ir nge tabinaw rok’ kar ba’adagdad ni be pared ko reb e pi Saint. Ere kar tabab nag e milekag rorad nga Nauvoo.

Doctrine and Covenants 124:25; Saints, 1:501

Jane nge tabinaw rok’ dabiyog ni ngar milekag udakaen e barkow.

Nifan boch e milekag roraed, kar ranoed udakaen e barkow. Bo’or e gidii’ udakaen e barkow e rayog ni ngar pii’ e salpiy yaeni mada’ nga tomuren e milekag rorad. Machane bochi pumo’on kar yoeged ngak tabinaw rok’ Jane thigarda pii’ e salpiy umon ni ngar tababgad. Me dakiriy bo’or e sapliy rorow. Pumo’on ney ni kar chuw ngoraed ko barkow, nge ranoed ni dan fek rad.

Saints, 1:501

Jane nge tabinaw rok’ be ranoed u but’ nga Nauvoo.

Tabinaw rok’ Jane thingarda milekag ko 800 e pi mile fa 1,300 kilometers. Thingarda th’ibed nga barba’ e lul’ ni dariy’ e yidal. Thingarda moolgad u wean. Bo’or e yay ir garbeb. Machane tabinaw rok’ Jane kar thapeged e athamgil ni ngar yaen nga Nauvoo. Kar manged e falfalaen’ napan ni kar yon’ed e tang napan ni kar ranoed u but.

Saints, 1:501, 505–6

Jane be ayuwegen e chon ko tabinaw rok’.

Jane nge tabinaw rok’ kar ranoed u but’ madako’ ke gathay nag e sus rorad kar gathay nag nge kar thapeged e amiith ko rifrifan’rad Machane napan ni kar meybil gad ngak Got ko ayuw, ni ke golang e rifrifan’rad.

Saints, 1:505

Jane nge tabinaw rok’ be me ayuw e bitir ka’ m’ar.

Kar ayuwegen e gidii’en ni kar mada’ ufithik’ e milekag rorad. Ma kar ayuegen ni ngar golnag e bitir ni ka’ m’ar udakaen e mich roraed.

Saints, 1:505–6

Emma nge Joseph kar feked Jane ulan e na’un rorow.

Ere fin aray, Jane nge tabinaw rok’ be yib Nauvoo! Kar magof nge yad bat’uf e tafen ko mol. Ere kar ranoed nga na’un rorow Emma nge Joseph. Napan Joseph nike rung’an gubin e pi’nen nike buch ngorad, nike non ngak Jane, “Got be yibliy ngom. Gabe pare ufithik’ e pi fagar chiney.” Joseph nge Emma nikar pinningrad ni ngar pired ngorow.

Saints, 1:506