Joseph nge Sidney nikar Filew Mornga’agen e Tharmiy

Reb e rran ngay, Joseph Smith nge Sidney Rigdon kar be’iegew fare Bible. Kar bi’egew marunga’agen e gidii’ tomuren nirad ra yim’. Joseph nge Sidney kar lemnagew marunga’agen biney, nge kar ba’adag ni ngar nangew boech reb.

Doctrine and Covenants 76:11–18

Somoel i pii’ ngorow e malik’ay nib mangil. Kar guyew e Chitamangiy nu Tharmiy nge Yesus Kristus ma kar liyegraed ko pi angel. Kar rungan’ e lam nike yoeg Yesus ni’ir e Fak Got. Lam ney ni ke yoeg Yesus ke yim’ nifan dad nge ni ke fakoyam’—ni ke thap e yafos bayay. Bachane ni Ne rrin’, gadad gubin ra fasgadkoyam’.

Doctrine and Covenants 76:19–24, 39–43

Joseph nge Sidney kar fil’ew me tomur e faskoyam’, gadad ra fasgad u ta’areg ko dalip e tafen u tharmiy, ni kanoeg gil’ilungun. Picha’ nima siyeg fare gospel ku Yesus Kristus e ra yag gil’ u lane gil’ilungun ni telestial. Fare Somoel nike susun nag e gil’ilungun ney ni woed rogon e fla’ab ko t’uf.

Doctrine and Covenants 76:81–86

Joseph nge Sidney kar fil’ewy marunga’agen reb e gil’ilungun ni kanoeg e gil’ilungun ni terrestrial. Gil’ilungun ney e fan ngak’ e pi’in me fasgad nib mangil machane dabi folgad gubin e gospel rok’ Yesus Kristus. Dabi gel e mich rorad ngak Yesus Kristus. Fare Somoel nike susun nag e gil’ilungun ney ni woed rogon e fla’ab ko pul.

Doctrine and Covenants 76:71–80

Thabi ga’ ni tolang e gil’ilungun ir fare gil’ilungun ni celestial. Pi’in ulan e gil’ilungun ney kar fal’eged e pi m’ag, fa micheg, ngak Got nge kar thapeged fapi m’ag rorad. Miyow ma kalngan’ nge leaked ngak Yesus Kristus. Yad ma pared ngak Chitamangmed nu Tharmiy nge Yesus ni gubinfen nge mag boed Row. Fare Somoel nike susun nag e gil’ilungun ney ni woed rogon e fla’ab ko yal’.

Doctrine and Covenants 76:50–70

Fare Somoel ni ke yoeg ngak Joseph nge Sidney ni dabi weliy gubin e pi’nen ni kar guyew ulan e malik’ay rorow. Machane Ir ba’adag ni ngar yoloy boech nge weliyew ngak e gidii’. Bochi pi member ko Galasia e kari falfalaen’raed ni ngar weliy marunga’agen e malik’ay ney.

Doctrine and Covenants 76:113–119; Saints, 1:149–50

Bochi giddiʼ ni dani adag e malik’ay ney. Ba thil ko pi’nen me mich u wun’raed. Machane bo’or e pi Saints kar falfalaen’gad ni kar nanged marunga’agen e yi’iy ney. Nike weliy ngorad e Chitmangdad ni bay u Tharmiy e bt’uf e fak nge ni ke fal’eg e rogon ni ngar a sul riy ngak’.

Saints, 1:149–50