Lucy Morley nge Tabinaew Rok’

Bo’or e gidii’ ni michuwaen’rad miyad un ko tawfe

Lucy Morley ni pinning dalip i tamachib ngalan e tabinaew rok’ Abigail Daniels.

Reb e rran, nibe pii’ Lucy Morley ni 15 e duw-rok’ e ayuw ngak e buguliyiror rok’, i Abigail Daniels, ni yow be yip’ e maad. Napan ni yow be muruwel, mi yow runga’ag be’ nike tutuguy e maab. Ba dalip i tamachib. Me pinning Abigail raed ngalan e nu’un. Mar roged ni Yesus Kristus e ke l’oegraed ni ngar weliyed ba mulwol.

Saints, 1:102–3

Fapi tamachib ni yaed be machib nag Lucy nge Abigail ko mornga’agen fare Babyor ku Mormon.

Fapi mo’on e roged ngak Abigail nge Lucy nike pinning Yesus i Joseph Smith ni nge mang e profet. Makur roged ngorow mornga’agen fare Babyor ku Mormon.

Saints, 1:103

Abigail nibe gay rogon ni nge chuweg fapi tamachib ulan e tabinaew rok’.

Ke gin owchen Lucy ngay, napan ni tabab Abigail ko dumomuw. Ke chuweg fapi tamachib ulan e tabinaew rok’.

Saints, 1:103

Lucy ni fith ngak fapi tamachib ni ngar bad ko birok’ e tabinaew.

Lucy e ke nang ni fapi tamachib e bugi tapigpig rok’ Got. Me yeog ngoraed ningar ranod ko tabinaew rok’ nibay nga pen’ing. “Chitamangig e ma par ni gonapan reb e mayl ko giney,” nike yoeg. “Marod ngaram ma yira duri’iymed min ayuwegmed.”

Saints, 1:103–4

Fapi tamachib era abichgaed Lucy nge tabinew rok’ u ta’abang.

Riyul’ e n’en ni yoeg Lucy. Fapi tamachib era abich gaed ni rib fel’ rogon u toffen e tabinaew rok’ Morley. Galibithir rok’ Lucy e yaed fagar Sidney Rigdon. Michuwaen’raed ngay ni Yesus e ba’adag ni ngar gol niged e pin’en nibay roraed ngak boech e gidii’. Ra pinninged fapi tamachib ni ngar machibgaed ngoraed nge ngak boech e pi tafagar roraed.

Saints, 1:104

Lucy, Abigail, nge boech e gidii’ nira uned ko tawfe.

Re nep nem, gonapan e lukungun e nep, 17 e gidii’ nin tawfe nag. In e rran ngay, 50 e gidii’ ni yib ko tabinaew rok’ Morley nge motoyil ko fapi tamachib, mi yaed fith ni ngan tawfe nagraed. Kumus ku Abigail ni fagar rok’ Lucy e thilyeg e tafney rok’ ko mornga’agen fapi tamachib. Ir nge pumo’on rok’ era duugliyew ni ngar unew ko Galasia.

Saints, 1:105; Doctrine and Covenants 20:25, 37