Sidney nge Phebe Rigdon

Parley Pratt nge boech e gidii’ ni ngar ranod ni ngar weliy fare gospel ngak fapi Gidii’en yu Mariken ni Kakrom (Native Americans). Napan ni yaed be milekag, ma ba’adag Parley ni ngan tal ni ngeyag ni guy fare fagar rok’ i Sidney Rigdon. Sidney e ir reb e tamachib ni’ir e fil ngak Parley mornga’agen Yesus Kristus ulan e Bible. Make chiney ma ba’adag Parley ni nge fil ngak Sidney mornga’agen Yesus ulan fare Babyor ku Mormon.

Doctrine and Covenants 32; Saints, 1:99

Parley e ke yoeg Sidney mornga’agen fare Babyor ku Mormon me mulwol nag ngak ni nge be’eg mornga’agen. Sidney e ba marwaer e tafney rok’, machane bachan ni Parley e reb e tafagar rok’, ere micheg nag ngak nira rrin’.

Saints, 1:100

Napan ni be’eg Sidney fare Babyor ku Mormon, ke nang nike yib rok’ Got. Me weliy e pi thamtham rok’ ngak le’engin, ni fithingan i Phebe.

Saints, 1:101

Machane Sidney e danki nang ko mang e bin ni migid ni nge rrin’. Fa’anra tawfe, ma yira n’ag ko muruwel rok’ ni’ir e fare tamachib ulan fare galasia rok’. Uw rogon marayag ni nge ayuweg Phebe nge fare nel’ i bitir rorow? Mang era thamiy fapi gidii’ ko birok’ e galasia? Ke meybil ngak e Chitamangiy nu Tharmiy ni ngan ayuweg, min pii’ ngak ba thamtham ko gapas.

Saints, 1:101; Doctrine and Covenants 19:23

Sidney e fith ngak Phebe ni fa’an nrayag ni nge pag e yafos rok’ ni rib fel’ nge un ko biney e Galasia ni kab be’ech. “Irerray e n’en ni riguba’adag ni nggu rrin’ e muruwel rok’ Got,” nike yoeg, “yafos fa yam’.” Ra duugliyew ni ngar unew ko tawfe.

Saints, 1:101

Ta’aboech riy, me mada’nag Sidney fare Profet Joseph Smith. Somoel e pii’ ngak Sidney ba mulwol ni yib u dakean Joseph. Ke yoeg nike guy e pin’en nike rrin’ Sidney nib mangil make runga’ag e meybil rok’. Somoel e yoeg ngak Sidney nibay bugi muruwel ni rib fel’ nifan ngak ni nge rrin’. Sidney era rrin’ bugi ban’en ni rib falel’.

Doctrine and Covenants 35:3–4