Apostels ni Pigpig ko Mission nga Great Britain

“Apostels ni Pigpig ko Mission nga Great Britain,” Fapi Yaat ko Doctrine and Covenants (2024)

“Apostels ni Pigpig ko Mission nga Great Britain,” Fapi Yaat ko Doctrine and Covenants

July 1838–July 1841

Apostels ni Pigpig ko Mission nga Great Britain

Pagaen’uy ko fapi michmicheg rok’ Somoel

Joseph Smith ni thapeg e yi’iy ni ngan pining fapi Apostels ko Galasia ngar ranod ko mission nga Great Britain.

Ko fare yi’iy nin pi’ ngak Joseph Smith, Somoel e pining fapi Apostel ko mission nga barba’ e naam nga Great Britain. Dariyfan nib momaw’ ngak Joseph ni nge pag fapi Apostel ngar ranod nib palog, machane pagaen’ ngak Somoel. Momaw’ ngak fapi Apostel ni ngar digeyed e tabinaew roraed. Machane Somoel e micheg nra tawa’ath nagraed.

Doctrine and Covenants 118

Heber C. Kimball nge Vilate, ni le’engin, nge tabinaew rorow. Bay e bitir rorow nikemus ni ta’areb e pul rok’. Bo’or e gidii’ ko tabinaew rorow ni ri yaed m’ar.

Gidii’en Got, 1:405

Brigham Young nibe fal’ag rogon ni nge yean ko mission rok’.

Ri kab m’ar Brigham Young, nge tabinaew rok’ e ri yaed ba gafgow. Machane le’engin Brigham, ni fithingan i Mary Ann, e yoeg ngak, “Maen ngam rrin’ e muruwel rom, ma Somoel e bayi tawa’ath nigem.”

Gidii’en Got, 1:404–5

Brigham Young nibe par rok’ Heber C. Kimball.

Yaen Brigham, machane napan ni yibi taw ko tabinaew rok’ Heber, ma kari gel e m’ar rok’ ni dab kiyag ni nge yaen. Ere par in i rran ko tabinaew rok’ Heber.

Gidii’en Got, 1:405

Mary Ann Young nibe ayuweg Brigham nge Heber.

Mary Ann e ayuweg Brigham nge Heber nge mada’ ko ngiyal’ nikar gol gow. Yow l’agruw ni dariy gelngin row, machane ri yow ba’adag ni ngar machib nigew e gospel.

Gidii’en Got, 1:405

Brigham nge Heber ni yow be yaen ko fare mission.

Heber nge Brigham nra fingichiyew le’engin row mi yow af ngalan e tomur ko wagon. Kirbaen’ row ni ngar digeyew e tabinaew rorow ni yaed m’ar nge ki yaed bgafgow. Napan ni yaen fare wagon, me ga’ar Heber ngak Brigham, “Rib gel e momaw’ ko biney.” Ba’adag ninge par nge ayuweg e tabinaew rok’. Me fith Heber ngak e en nibe kol e yap ko fare wagon ni nge tal.

Gidii’en Got, 1:405–6

Brigham nge Heber nra tal gow ngar yogew e kafel’.

Vilate nibay ulan e nu’un, me rung’ag lingan ban’en. Me yib ko maab, nibay Mary Ann riy nib sakiy. Mi yow guy Heber nge Brigham ni yow bsak’iy u tomur ko fare wagon, ni bay pa’ row ngalan e lang ni yow be tolul nag, “Hurrah! Hurrah! Hurrah nifan ngak pi yu Isreal!” Me fulweg fagli bpin, “Kafel’! Got e bayi tawa’ath nigem!”

Gidii’en Got, 1:406

Brigham nge Heber ni yow be machib u Great Britain.

Tomuren nikar milekag gow u barba’ e naam, fin aram me tay Heber ne Brigham nga Great Britain. Mu’un boech e Apostel ngay, mi yaed machib nag ngak e gidii’ mornga’agen Yesus Kristus nge fare gospel Rok’. Pag e biyu’ e gidii’ ni un ko tawfe nge Galasia rok’ fare Tathapeg.

Gidii’en Got, 1:408–11

Gidii’en Got ni yaed be milekag ni ngar badra pired nga Nauvoo.

Bo’or ko fapi gidii’ nin tawfe nag u Great Britain ni yib nga Nauvoo ngabi pi’ e ayuw ko fare binaew nge temple. Somoel e rrin’ ni woed rogon ni michmicheg ni ayuweg e tabinaew ku Heber nge Brigham ko ngiyal’ ni yow be pigpig Ngak ni yow e fagli tamachib.

Gidii’en Got, 1:437–39