“Samuel Smith ni Fo’odnag fare Babyor ku Mormon,” Fapi Yaat ko Doctrine and Covenants (2024)
“Samuel Smith ni Fo’odnag fare Babyor ku Mormon,” Fapi Yaat ko Doctrine and Covenants
1830–1832
Samuel Smith ni Fo’odnag fare Babyor ku Mormon
Ta’areb e babyor nira tawa’ath nag e yafos ni bo’or
Somoel e pinning Samuel Smith, bin ni bitir walagen Joseph ni pumo’on, ni nge yean ko mission nge machib nag fare gospel. Samuel e mada’nag John nge Rhoda Greene me yoeg ngorow mornga’agen fare Babyor ku Mormon. John e be’ nima machib ulan reb e tiliw. Ke yoeg nira fek reb e kopy ko fare babyor nge guy ko bay be’ ulan e galasia nira adag ni nge be’eg.
Saints, 1:99
In e pull nga tomuren, me sul Samuel. Rhoda e yoeg ni pumo’on rok’ e daniyag ni pire’eg be’ ni ba’adag ni nge be’eg fare Babyor ku Mormon. Me fulweg ngak Samuel.
Saints, 1:99
Ke kirbaen’ Samuel. Ke chel ni nge suul, me Rhoda e yib ngabi taleg. Me yoeg nike be’eg fare Babyor ku Mormon, ma ba’adag.
Saints, 1:99
Fare Kan ni Thothup e ke yoeg ngak Samuel ni nge fulweg fare babyor ngak Rhoda. Samuel nike yeog ngak, “Fith ngak Got ni nge pii’ ngom e michriy.” Ke machib nag ngak Rhoda mornga’agen fare Kan ni Thothup nge rogon ni rayag ni nge nang ni fare Babyor ku Mormon e ba riyul’.
Moroni 10:3–5; Saints, 1:99–100
Samuel nike sul nga tabinaew ko fare mission rok’. Dawri tawfe nag be’, makemus ni ri’in e gidii’ e magaraen’ ko fare Babyor ku Mormon.
Rhoda nge John era meybil gow, ma fare Kan ni Thothup e yoeg ngorow ni fare Babyor ku Mormon e ba riyul’. Ma arram me gol nag Rhoda fare babyor ngak walagen, Brigham Young.
Saints, 1:100
Brigham nge tafagar rok’, Keber Kimball, e ku’ur gayew e bin riyul’ e Galasia rok’ Yesus. Kar be’egew fare Babyor ku Mormon. Kar filew mornga’agen makar meybil nigew mornga’agen fare gospel rok’ Yesus Kristus nike gaman l’agruw e duw ngay.
Napan e ngiyal’ ney, Brigham nge Heber e yaed ma yean e tabinaew roraed ko mo’olung ko Galasia. Ko reb e pi mo’olung ney, me rung’ag Brigham reb e tamachib nibe weliy mornga’agen e mich rok’. Fare tamachib e gathi be’ ni rib fel’ e thin u langan, machane Brigham e thamiy fare Kan ni Thothup napan nibe non facha’. Brigham e ke nang ni facha’ e be yoeg e tin nib riyul’.
Brigham, Heber, nge le’engin row, Miriam nge Vilate, e ni tawfe nagraed. Rib tu’uf fare Tathapeg roraed nge fare gospel Rok’. Boech e duw nga tomuren, me pinning Somoel Brigham nge Heber ni ngar mangew e Apostle Rok’ mi yow pigpig ko mission. Bachan nike pii’ Samuel fare Babyor ku Mormon, bo’or e gidii’ nike un ko Galasia rok’ fare Tathapeg.
Doctrine and Covenants 124:127–29; 126; Saints, 1:215–16