“Newel nge Ann Whitney nikar Mada’ Nigew fare Prophet Joseph,” Fapi Yat ko Doctrine and Covenants (2024)
“Newel nge Ann Whitney nikar Mada’ Nigew fare Prophet Joseph,” Fapi Yat ko Doctrine and Covenants
October 1830–February 1831
Newel nge Ann Whitney nikar Mada’ Nigew fare Prophet Joseph
Fapi meybil ni bay e mich be fulweg fare Somoel
Bay e kaentiin rorow Ann nge Newel Whitney u Kirtland, Ohio. Ann de yaen nga galasia fa fil marunga’agen fare Somoel napan bayi ilal rok’, machane nike ba’adag ni nge nang En. Tomuren ni ke mabgol Newel, kar meybil gow bo’or yay nge fith ngak Somoel ni nge powi’iy ngorow.
Saints, 1:111–12
Ta’areb e neap ufithik e meybil rorow, Ann nge Newel ni kar thapegew e lik’ay. Ulan e lik’ay, bayib e manileng udakaen e na’un rorow. Ba sug gow ko fare Ya’el rok’ Got. Fare manileng ney ke longbiyed gow. Kar rung’agew e lam ko tharmiy. Keyog ngorow ni, “fal’egew ni ngar thapegew e thin rok Somoel, bachane irra yib.”
Saints, 1:111
Tomuren bochi ngiyal’, Parley Pratt nike yib nga Kirtland. Ir nge fagar rok’ ni kar machib nag marunga’agen e gospel rok’ Yesus Kristus. Napan Ann nike rung’aneg e pi’nen ni kar machib nag, ke nang ni’ir riyul’. Ke yaen nga na’un rok’ nge weliy ngak Newel. De n’ew napan ni kar tawfe nag.
Saints, 1:112
La’agruw e pul tomur, pumo’on nge bpin ni kar yib gow nga kaentiin rok’ Newel. Newel de nang ngorow, machane e pumo’on ney ke rungrung e pa’ Newel nge ke nang e fihingan rok’ Newel. Fare pumo’on nike yoeg, “Igag Joseph fare profet.” Nike yoeg fare Somoel be fulweg e meybil rok’ Newel. Nike pii’ Emma nge Joseph nira mada’ nag Ann nge Newel.
Saints, 1:113
Newel nge Ann ni manang e lik’ay rorow nibe buch. Kar fithgow Joseph nge Ann ni ngar parew ngorow u na’un rorow. Ann nge Newel ni bat’uf gow Yesus nge gospel Rok’. Kar pii’ew gubin e pi’nen rorow ngak fapi Saint nge Galasia rok’ Somoel.
Doctrine and Covenants 38:23–27, 34–42; Saints, 1:114